بالعكس يالغلا هو ما اخ>ك الا يبي شي جديد ليه انتي تبين بسرعه تكونين مثلهم

خلك سعوديه بكل شي ترى عموما مانفرق عنهم الا اشياء بسيطه وهالاشياء مع العشره تتعلمينها

لاتقولين يالله لبسي غير وعاداتي غير خلك على طبيعتك احلى

والامور الثانيه تتعلمينها مع جمعتهم والتداخل بينكم

اختي هلا بج في الامارات

انا من الامارات...

عاداتنا عادية مش معقدة ولا شي...


العرس:

لازم من الحين ادورين لج ع فستان العرس وتحجزين مكياج العرس عشان ما تتورطين في آخر لحظة...

الصباحية:
ثاني يوم العرس...

ع حسب عيلتهم يمكن هم يسوونها الغدا(تلبسين جلابية فخمة واتحطين مكياج واتسوين شعرج ولازم تتعدلين اذا اتروحين الصالون احسن عشان ترتاحين)

اذا ع العشاء...فستان ناعم وفخم...مكياج وشعر....الخ...


قسمي وقتك بعد العرس...
وقت لنفسج اتشوفين عمرج...(يعني ماسكات..استحمام...حف الشعر) يفضل لما يكون الزوج في الشغل
وقت لزوجك..
وقت تقعدين فيه مع اهله(اذا كنتي راح اتعيشين معهم في نفس البيت)


بخصوص الاكل عادي اكلنا مثل اكلكم ما في فرق

واي سؤال انا حاضرة
(بس والله تر اكلنا حلو وسنع في سنع...بس جربيه)

الله يوفقك يارب ويسعدك في حياتك
وانا من رأي خليك على طبيعتك أحسن حتى لو كنتي مختلفه شوي عنهم بالعكس بتصيرين مميزة

يً حيـآأتـي لآآ تغيرين في شخصيتك شي وهم ما اخذووك الآ علشاانهم يبوون بنت سعوديه يعني من ناحيت الطبخ أطبخي سعوودي وش حلآآت اكلآآنـآأ يـآأخذ العقل وانا من رايي انك ماتغيرين بنفسك شي علشاانهم يبوون بنت سعودي موب امارتيه ^^
والله يتمم عليك يً الغـلآآ ....~

بالعكس لاتشيلين هم ولاشي وارتاحي ولاتقولين انا سعودية وهم اماراتيه بالعكس خليك على طبيعتك وسوي زي العروس في السعودية البسي فستانك وسوي مكياج ليلة العرس خلية فخم على نعومة واليوم الثاني اكشخي بفستان حلو وناعم لان اهله اكيد بيجون يسلمون عليك وبالعكس اللحين لاتهتمين بشي الابصحتك وبشرتك وشعرك عشان تطلعين احلى عروس يارب وابعدي الهم والافكار اللي مالها داعي عن راسك وادعي ربك بحياة زوجية موفقة وسعيدة