فزعتكم ابي اسال عن خبرة المدرسه الاهليه وهل تفيدني في ديوان الخدمه؟؟

السلام عليكم ورحمة الله وبركاته
حبيت اسالكم لاني من جد مصدع راسي ومشغول بالي
وابغى كلام صحيح وثقه


الحين انا مالكة لمدرسه اهليه يعني المدرسه باسمي لان اصحابها موظفين فخلوها باسمي
وقالوا بنوظفك ونعطيك شهادة خبرة ومن غير حتى تشتغلين نعطيك شهادة خبرة
واشتغلت الترم الاول متنقله بين التدريس للابتدائي والروضه
وبين الادراة بس مو كل الترم الاول يعني بس شهر 10 و11
وبعدها حملت وتعرفون سالفة الوحم ومرض ولدي

المهم رجعت على الترم الثاني باصرار منهم
قالوا بس نبغاك تزورين المدرسه زيارة تفقديه
يعني تجين وتشيكين ع الوضع بين فترة والثانيه
الا لقيت المديرة مسكتني علوم من اول الى خامس وادرايه بعد
قلت لها صعب
ليش ؟؟
السالفه ومافيها اني مبتعثه على الصيف او قبل بسافر
ولا بعد حامل وبالشهر الخامس
ومعي ولدي عمره 3 سنين كل يوم يوم اصحيه ويبكي واسحبه المدرسه واشيله ومع الحمل
الله يعين بس

بس سالتهم عن الخبرة وماعطوني اجابه شافيه
ابغى اسأل هل تقدمني بالديوان هالخبرة اللي باخذها من المدرسه
ولا لازم مشرفه تقيمني
خاطري بشهادة خبرة مقابل انهم كتبوا المدرسه باسمي
وهم لما طلبوا اسمي كمالكه لها مااشترطت شيء بس قالوا بنعطيكم نسبه
قلت لهم انا مابي نسبه بس ابي شهادة خبرة
لاني قسمي غير تربوي ولا عندي دبلوم حاسب ولا خبرة
فالخبرة راح تفيدني شوي
وتقدمني

والله محتارة
لاني ارجع البيت وماعندي شغاله وارتب وبس اخلص من اشغالي اجلس ابحث بالنت عن هالبعثه
واجراءاتها
والتدريس بياخذ مني جهد خصوصا اول مرة ادرس

والواحد يعمل احتياط لو ماكتب ربي لي اكمال دراستي لسبب ببلد الغربه ارجع وتكون عندي شهادة خبرة تفيدني
فهمتوا وضعي

طولت عليكم

بس ماتتخيلون قبل شوي هواش انا وزوجي معصب مني:p
يقول انتي اشغلتيني والاولى البعثه
لانه بعد مبتعث

بالله يابنات شوروا علي
عطيتكم التفاصيل
وخريت الاكو والماكو