الله يعينك ويفرج همك
بنتك واضح انها طيبه وبسرعه تتعدل
من ناحيه صديقات فلمشكله ان البنات الي كلمو مليات المدارس مثلا صفنا تقريبا ٨ او ٧ طالبات الي مي كلمو من اصل ٣٠
والبلا الي تجيب التلفون مشان تتكلم قدام البنات عن حبيبها يعني حبيبي ما يقدر يفطر قدام ما يسمع صوتي 😑 عاد ييجيك الدلع والنعومه لمى تطلبه يفطر الاخت مصدقه انه بدونها ما ياكل
ولا البنات الي اهلهم مايشترو الهم تلفونات
تروح تراسله من الكمبيوتر الي فلمدرسه بتقول للمعلمه ابي اسوي مشروع
الله يهديهم ويصلحهم

اسفه على الاخطاء بس تلفوني يعلق وكل ما اكتب رد ينمسح

دام صديقاتها دروا انك ب تقولين لاهلهم اكيد اخذوا احتياطهم يعني الناس راح تكذبك ويطلعون كلام ع بنتك وتنقلب السالفه عليك اتركيهم الله يستر عليهم انتبهي لبنتك وذكريها بربها وعقوبة للي يمشي بالحرام وبلغي ابوها عشان ماتحس انه مجرد تهديد وتتمادى الله يصلحها ويهديها

الدعاء ثم الدعاء ثم الدعاء ثم الصدقه لانها تدفع ميتة السوء
ــ لازم تسحبين منها الجوال فترة لين تتادب ولازم تراقبينها زين وتستودعينها الله ورددي عليها ( ان لم تكن تراه فانه سبحانه يراك )
ــ لازم تخففين من الدلع شوي اشغليها بشي مفيد اما شغل بيت او طبخ او دورات او دار تحفيظ
ـــ في حال ما قدرتي تسحبين الجوال على الاقل قفلي الكميرا والتقفيل سهل جدا من الاعدادات ويكون جوال بدون كميرا
ـــ عظمي لها الذنب والخطا اللي سوته وعظمي لها ان ابوها او عمانها عرفو يقطعون راسها
ـــ بالمقابل احتويها وزيدي من حنان عليها دلعيها بالكلام اشبعي فيها غريزه المدح والزين والجمال علشان ما تروح تدورها في مكان ثاني
ـــ خلي لك جلسات معها صاديقها وجهيها سولفي معها ناديها تتقهوى معك المغرب وسولفي معها وشوفي وش عندها مع الوقت راح تكتشفين شخصيتها وتوجهها بس بالحكمة والصبر
ـــ اذا مدرستها فيها نفس الصديقات انقليها عندهم
ـــ وبالنسبه لصديقتها قولي لهم انفسهم لا تكلمون بنتي ولا تتواصلون معها امسحو رقمها لانه لو بلغتي الامهات ممكن تطيحين بمشكله اكبر انتي بغنى عنها
ممكن تجي وحده تقول بنتك هي السبب وهي وهي وهي وممكن وحده تنكر و ممكن وحده تكبر الموضوع ترى الناس يختلفون في ردات الفعل (انا مديره مدرسه وصار عندي موضوع تحرش بسيط بين البنات واستدعيت الامهات وحده ضربت بنتها بالاداره ووحده على طول نقلت البنت ووحده قالت علشان هالموضوع التافه مزعجيني كل الناس يمرون بالمرحلة ذي )