فزعتكم يابنات مدرسه ولدي والمعلمين ابي حل

بدخل بالموضوع انا ولدي هذي اول سنه فالأبتدائي ومن اول يوم
واحنا بمشاكل من المدرسين ومن الطلاب
ولدي كل يوم يجيني مضروب ومبهذل لبسه وسخ اساله يقلي يستقوون علي سنه سادس وخامس
وقت الفسحة ومايخلوني آكل واتهنى باكلي يجوون مجموعه ويقوموني من مكاني او ياخذون اكلي
اروح اشتكي للمدير او المعلم يقول مالي دخل
ويخلون سنه اولى وثاني ينظفون الحوش وحاطين الكبار مسؤلين عليهم الي ماينظف يدعسونه بالارض
واكثر من مرة اشتكينا على الادارة والمدير يقول لا ماصار هالشي وبالنسبه للمضاربات اطفال وش تبي اسوي لهم
طيب اضبط مدرستك ياخي او حط واحد مشرف عليهم وقت الفسحة او الصرفه
فقلت خلاص خل نصبر ونحتسبها عند الله يمكن عشنهم صغار لكن الادهى والامر ان المدرس يجي ينتف شعرة واحياناً يرفع العقال عليه وكذا مرة ضربه فظهرة ويتلفظ عليه بكلام وسسخ
كلمناه قال امزح وانا بس خوفته وما اقول هالكلام كذاب ولدك وولدي اعرفه مايكذب طيب سكتنا وسكتنا ورجع ينتف الشعر يومياً وربي ماظلمته وولدي يجي يبكي ومقهور وقعدنا فترة وجاء قال اعطاني كف
كلمت ابوة وقلت روح اشتكي عليه مستضعف ولدي ليه وماله صلاح يضربه قال يمزح ويمكن مايقصد طيب سكت وانا مغبونه
وقبل امس جاء قال طلعنا حصة رياضه وقعدوا الطلاب يطشون علي مويه وانا اصايح وجاء المدرس حق الرياضه يطش معهم قمت سبيته من القهر قال اسحبوة عندي
قاموا سحبوني وقال بوس راسي بالغصب عشن تدخل الفصل المهم انه انهان ويقول كلن جالس يضحك ويصايح ويشجعون
وسكت قلت يله مشيها وجاء امس قال معلمنا يقول شسم امك واختك اسمهم كذا وكذا ويضحك مع الطلاب ويطنزون عليه ويعايرونه بقبيلته وبأسم اخته ويجلس يهينه فيني والاستاذ يصفق لهم وربي ماظلمته
الزبدة يابنات ولدي تبهذل ولدي صار خواف ولدي سمر وصار شين ونحف ماصارت مدرسه مايروح يتعلم يروح ينضرب وينهان ويجي يشتكي وهو مقهور وتعبان
ومسوي لي ازعاج فالبيت وقرف مع اخوانه وانا من قهري اجلس اعايرة ليه مايستقوى عليهم وياخذ حقه والى متى ساكتين لهم حتى الحمام مايخليه يروح الحمام ويجلس يهزاة فالفصل واكثر من مرة جاء ولدي ولبسه الداخلي وسخ لانه مايروح الحمام ويقعد يعاندة ويخلي الطلاب يمسكونه وهو يفتش شنطته ياناس وش رايكم من ينصفنا من هالمدرس
ياناس بموت قهر بالله هذي معامله دين ومعلمين شوفوا لي حل تخيلوا اولادكم كذا
ابوه لحد يسألني عنه كل ماقلت روح للمدرسه راح وجاء قال يمزحون ومافيها شي كل المدارس كذا ويضحكون عليه المدرسين بكم كلمه ويرجع
ماعندة شجاعة ولاغيرة على ولدة ولاهمه الي صاير
فكرت اتصل على الادارة واطلع حرتي وحرة ولدي بس اخاف يسجلون لي او شي وتصير فضيحة
انا محترة على ولدي ولاعندي سند ابوة ماراح يجيب له حقة المفروض يشتكيهم على نتف الشعر وعلى الكلام الي يقوله لولدي كل شوي والاهانات
المدرسه جداً فاشله وسمعتها وسخة وفالتين الاولاد برا ولاحسيب ولارقيب وش الحل ياحكيمات وش اسوي اتصل عليهم والي فيها فيها
والا اكتب خطاب للمدير !!!!! وقبل شهرين ارسلت رساله لدار التوجيه والارشاد
وعلمتهم عن المدرسه والي يصير فيها والى الآن ماراحوا شافوا وضع المدرسه
ولدي ضاع وصحته بح وشخصيته تكفون ساعدوني لوجة الله او احد يسوي لي خطاب اوشي مادري وش اسوي
تكفون تخيلوا اولادكم مكان ولدي بالله اش بتسسوون..