فزعتكم يابنات ياهروب والا انتحار خلاص معد فيني مشورتكم

السلام عليكم
يابنات بدخل بموضوعي وبستشيركم وابي مشورتكم وابيكم تعلموني وتوقفون معي لاني خلاص قربت انجن بنهبل معد اقدر على هذا كله
انا تيتمت من ابوي من كان عمري 12 سنه وخذ ولايتي اخوي وصار هو اللي مسؤل عني واخوي من النوع الملتزم المتشدد يعني كل شي عيب وحرام ولا وكلمته اللي تمشي حتى امي يهجدها ومايخليها تقول رايها وليته وقفت على كذا كان يمد يده ويدعي علينا دعاوي الله لايوريكم واستمر هالحال وحكم القوي على الضعيف وراحت الايام لحد ماوصل عمري 17 سنه وتزوجت ابي الطلعه ابي اشوف الناس ابي اعيش ابي مثل فلانه وفلتانه اشوف بنات خالاتي اشوف صديقاتي الناس حياتهم غير لكن حياتي هم وضيقه لاطلعه لاروحه ولاجيه وفوق هالشي لو تتكلمين والا تدافعين عن حقك تطلعين كافره فاجره قافوده ولسانك طويل اصلا مافيني الجرأه اتكلم او اقول المهم بعد زواجي بشهور انفصلت لان ماعندي الخبره الكافيه بالزواج ماعرف شي مادري وشو زواج مانيب مثل البنات المتفتحات كانو مسكرين علي من كل جهه بس من البيت للمدرسه ومن المدرسه للبيت وكانت حياتهم شك في شك وبعد ماتطلقت كنت حامل حسبي الله ونعم الوكيل فيه تركني وماقدرني وماقدر اللي فبطني رماني وكب عفشي بالشارع مثل الشحاته الله يجازيه ورجعت اعاني كنت مااطلع قدام بنات خالاتي ولا عند الناس اخاف يقولون عني اتطلقت وليتهم سكتو الا طلع القيل والقال والكل قام يتكلم ويقول وراحت الايام والشهور وانا اقاسي همي لحالي ووصل موعد ولادتي تبهذلت ماقبلوني المستشفيات لان لازم اثبات ورحت كلمت اهل زوجي ابي الاثبات وماكانو يعطوني اجابه ويقفلونها بوجي واخوي اللي مطلع رجولته علينا ماكان يواجه الناس بس يحط حيله فينا وحراته وخناقه وبالاخير دخلت مستشفى اهلي وتعسرت ولادتي ومحد كان جنبي ومحد واقف معي واخر شي جبت طفلي بعمليه ياعمري يوم شفته نسيت كل شي وراي قلت بخلي كل حياتي له وبكون له الام والاب وبعد ولادتي بشهور تواصلو اهلي مع اهل ابو ولدي علشان المصروف ونفس الشي كانو مايعطونااجابه وبالاخير قال طليقي لاخوي اذا ماتبون الولد ارموه بالزباله لاتشغلوني حسبي الله عليه وعلى رده وليته عاد لقيت اللي يواسيني لا جاء اللي اسمه اخوي يقول انتي وانتي ويلوم فيني عمره ماوقف معنا دايم انا الغلط والناس الصح طول عمره كذا خلاني انطوائيه صرت ابعد عن الناس حتى فقدت ثقتي بنفسي حسبي الله وكفى عشت اربع سنوات بهم وضيم ومشاكل ماتخلص وقلت لازم اتزوج واستقر معد فيني على ذا الوضع واول واحد طق الباب وافقت وليتني ماوافقت اشترطت ولدي معي وقال بحطه بعيوني لكن بعد الزواج تغير كلشي صار يمد يده على ولدي ويعاندني فيه واذا شاف ولدي لو يشرب مويه قال لايشرب من حلالي وديه لااهلك اوخلي ابوه ياخذه يشهد علي رب العالمين انه يطق ولدي ويطلع الكدمات بوجهه ومره شاله برقبته وقعد وليدي يستفرغ والله انه قال لي ماما بموت واقعد اصيح واركض زي المجنونه واوديه للمستشفى وكان يتكلم ويسب ويقول روحي لاهلك معد ابيك اذيتني انتي وولدك الله ينتقم منه ولايوفقه ويارب حوبتي انا ووليدي ماتتعداه واللي زاد الطين بله اني حملت منه لكن مااستمر زواجي نفس الوضع الاول تركني عند اهلي معلقه تخيلو لين قرب موعد ولادتي ورحت اكلمه واترجاه وكان يتهرب مني ويقول خلي اخوك يوديك ويقفل جواله حسبي الله عليه وبعدها دخل المستشفى ونفس الشي عمليه وانا اللي اواسي نفسي واخفف على نفسي بس من وينلي استمد القوه تعبت تعبت وجبت بنت والحمدلله وقعدت عند اهلي ست شهور ورجعت لابوها ورجع الهم والمشاكل ومدت اليد على ولدي والعذاب وقلت خلاص معد اقدر على هالوضع وخذت عيالي وطلعت لااهلي وقعدت اترجاهم واصيح واعلمهم واقولانذبحت انمرضت ولدي يتعذب ومحد يفك حقه وراح اخوي كلمه وقاله قال معد ابي اختك وصارت مشادات بالكلام وطلقني حسبي الله ونعم الوكيل ورجعت للضيم والهم والكدر ولمن كملت بنتي ثلاث سنين جاء وخذها مني وخلاها عنده 15 يوم تخيلو بغيت انهبل لاانام ولااكل ولاراحه يارب انا الاقيها منوين والا منوين وراح اخوي كلمه ورفض يجيبها ورحت انا كلمت ابوه وقلت ابي بنتي ماانام وهي مو جنبي قال ابشري بجيبها ولمن كلمته مره ثانيه قام يسب وقال لاعاد تدقون علي الله ياخذ بحقي من كل ظالم وبعدهارحناللمحاكم وتبهذلت وجابوها عن طريق المحكمه واخوي طبعا ماسكها علي لو انك حرمه ماسويتي اللي سويتيه ويدعي ويتحكم بدال مايوقف معي ويحسستي وراي ظهر لا يزيدني حسباله ناقصه قهر وتعب جاني القولون وجتني جرثومه المعده على اني تعالجت مرتين منها ولا راحت والحين صداع من اربع اسابيع واخرتها اليوم قالت له امي اختك تبي فلوس بتروح للمستوصف تسوي تحليل عن الصداع قالها وش تحليله جعله تموت وجعلها وجعلها قسم بالله اني اختصرت اشياء كثير كثيرررررر مايعلمها غير رب العالمين اكتبلكم ودموعي ماليه عيوني وربي تعبت من هالحياة وشسوي مافي يدي حيله وين اروح كل من شافتي ينصدم من نحافتي وشكلي مايدرون وش عندي من هم ارجوكم دلوني وقفو معي مالي بعدربي غيركم وارشدوني لاتهملوني وادعولي يارب تفرجها علي وعلى كل مسلم لاحول ولاقوة الابك يارب '