ضوء الفجر2021 @doaa_alfgr2021

عضوة جديدة

فزعتكم يا أهل الرياض و من يعلم أبها

السلام عليكم و رحمة الله و بركاته
حياكم الله بنات حواء
انا من برا الرياض و كتب ربي تجي لي وظيفة بمستشفيات الحكومة بالرياض... بس انا حرفيا مالي خبرة بالرياض و أحياء الرياض و لا بقادرة اختار المستشفى حتى و انا ما ضبطت اموري من ناحية السكن.. اذا ممكن بنات انا محتاجة سكن في حي يكون مرتب و نظيف و فيه ٣ و لا ٤ غرف و اذا امكن حوش خاص حق يلعبوا العيال و ما يتجاوز ٣٥ الف او ٤٠ بالكثير و يكون حوالينه حضانات لعيالي و خدمات من مولات و بقالات و صيدليات و حدايق و قليل زحمة ... اذا ممكن يا خواتي تشورون علي و تعلموني كل حي شنو المستشفيات القريبة منه .. الله يعطي العافيه كل من يساعدني و يحرم وجهها ع النار

يلزم عليك تسجيل الدخول أولًا لكتابة تعليق.

تسجيل دخول

🇸🇦السعوديه🇸🇦 • 4 سنوات

وش المستشفى الي جاتك فيه الوظيفه عشان نفيدك؟
كثير المستشفيات الحكوميه هنا.
لو قلنا العسكري او قوى الأمن أو الملك فهد فهم في وسط المدينه وأحياء مزحومه جدا ولابد فيها طلبك.
الحرس الوطني في خشم العان موقعه يعتبر أهدى شوي وممكن تحصلين طلبك بسهوله.
الشميسي مستحيل تلقين الي تبين.

حددي أي مستشفى واعرفي في أي حي وابحثي في موقع عقار.

ضوء الفجر2021 • 4 سنوات

انا مخيرة بين هذي المستشفيات
التجمع الصحي الثاني و تشميل مدينة الملك فهد الطبية و الأمير محمد بن العزيز و مستشفى اليمامة
مستشفى قوى الأمن
مستشفى دلة
الشميسي
جامعة الملك سعود الطبية
مستشفى الملك عبدالله الجامعي
العسكري
الملك فيصل التخصصي
و الحرس الوطني

🇸🇦السعوديه🇸🇦 • 4 سنوات

دله مهو حكومي ترا.
الحرس من وجهة نظري افضل شي.

NewMum • 4 سنوات

ضوء الفجر2021 :

انا مخيرة بين هذي المستشفيات التجمع الصحي الثاني و تشميل مدينة الملك فهد الطبية و الأمير محمد بن العزيز و مستشفى اليمامة مستشفى قوى الأمن مستشفى دلة الشميسي جامعة الملك سعود الطبية مستشفى الملك عبدالله الجامعي العسكري الملك فيصل التخصصي و الحرس الوطني

انا مخيرة بين هذي المستشفيات التجمع الصحي الثاني و تشميل مدينة الملك فهد الطبية و الأمير محمد...

-
مستشفى قوى الأمن بالملز وسط الرياض..
الشميسي ماعرف وينه لكن ابداً مانصحك فيه لأنه بمنطقة قديمة جداً والسكن هناك صعب جداً..
جامعة الملك سعود ومستشفى الملك عبدلله في شمال الرياض واتوقع هو افضل خيار لك لانهم في أحياء راقية والخدمات هناك ممتازة جداً ..

مرام الوقت • 4 سنوات

مستحيل تجيك خيارات على ذي كلها
المدينة الطبية والشميسي الأفضل لك بما انه عندك عيال
ساعات دوامها أقل
وعلاواتها ثابتة
السكن اي حي نضيف قريب من المستشفى اسكني فيه

الحرس ما انصحك ابدا
الأحياء اللي حوله كلها ناس من قبائل محددة
بتحسين نفسك غريبة بينهم ومشاكله واجد