::27: بالأول اسمحوا لي اني استغل الفرصة هذي علشان اشكركم كلكم على المجهود المبذول في المنتدى بصراحة ولا اروع انا ما اقول هالكلام لاني عضو بالمنتدى ولكن هذي الحقيقة .. على كل حال انا ما أبي اطول عليكم .. " أخاف تطفشوا بعدين " ..أنا مشاركاتي قليلة وشبه معدومة بالمنتدى .. "و بالكاد ألحق اقرأ كل الموضوعات " لانه المنتدى ما شاء الله زاخر بعطاؤكم .. ولكني بصراحة بحاجة لخبراتكم ومساعدتكم و لاني واثقة من انكم ما راح تبخلوا علي في البداية ابيكم تدعوا لي بالهداية والتوفيق واني انال رضا ربي ورضا الوالد والوالدة" الله يطول لنا بعمرهم" وانه يرزقني ابن الحلال " قولوا اميييييييييييييييييييييييييييييين" :D
المهم انا أتمنى انكم ما تلوموني إذا باكتب كل استفساراتي في موضوع واحد لاني مشغولة وايد وعندي امتحانات يعني للاسف ما راح اقدر اشوف ردودكم إلا بعد شهرين أو ثلاثة فلا احد يزعل مني لاني ابي اركز" وبيني وبينكم ابي اجيب نسبة لانه جلست البيت تطهق الواحد وترفع الضغط " :( >> محد يرفع الضغط غيري ادري .
المهم .....
أول شيء انا ابي ابشركم اني عندي موضوعات كثيرة لما ارجع أن شاء الله إذا الله كتب لي العمر راح اكتبها لكم ... :39:
يووووووووووووووه طولتها >> اساسا هي السالفة طويلة :D
في البداية ابي اشكر الاخت البدر على الموضوع اللي كتبته بعنوان " اللي تحب الزين وعندها ارادة هي بس اللي تدخل " :)
لانه بجد مفييييييد جدا وان شاء الله كلكم تستفيدون منه وانا خلال الفترة اللي بغيبها عنكم بحاول اطبق كل اللي قريته ..... وان شاء لا رديت اكتب لكم تجربتي
على كل ..
اولا>> اخيرا وصلنا لأولا .. :D
انا بصراحة بشرتي جافة وهم شعري جااااااااااااااااااااف فاذا ممكن ابي فزعتكم يا بنات المنتدى ابي كل شيء يتعلق بالبشرة الجافة والشعر الجاااااااف .. الكريمات الشامبو ,,حتى الصابون لا تنسونه .. والوصفات الطبيعية اكيد لاني ما احب المواد الكيميائية وايد وبيني وبينهم عداوة .. لانه عندي نمش وكلف بالوجه فقمت واشتريت :06: كريم وصابونة روز صارت بشرتي تخرررررررع .. " نصيحة لا تجربونه " ...
ثاني مشكلة الات نزع الشعر إذا تعرفون قيمتها قولوا لي امجوي هذي الثانية ما ادري شو اسمها ولا تقولوا لي بالدولار >>>>>> زين ترى ازعل منكم
لاني بصراحة اشيل شعري بالموس والحلاوة تعور وايييييد :06: وجربت الكريمات بس ريحتهم خايسة .. ما تعجبني ... :44:
اه قبل لا أنسى ابي وصفة طبيعية لتمليس الشعر لأنه شعري مجعد بس تكون مجررررررررررررررربة لا تسوووون تجاربكم فيني :mad:
فيه شيء بعد .....
ايه تذكرت .. انا محجبة وبصراحة ما استخدم المكياج شكلي كذيه عاجبني بس ابي اغير في اللوك >> ابي اعمل نيو لوك
فالمحجبات بلييييييييييز همتكم ابي اصير حلوة بس بدون ما يتعارض هالشيء مع حجابي :o
الحقيقة انا شفت وايد ممثلات :23: لما كانوا يطلعوا بالحجاب يصير شكلهم يهبببببببل مرة :confused:
طولت ما عليه افش خلقي وياكم لاني بغيب عنكم احس ابي اصييييييح صراحة راح اشتاق لكم وايد بس عاد ردوا علي لما ارد ابي القى الموضوع مليان ورود اقصد ردود
مشكورين مقدما ولا تنسوني عاد ادعووووووا لي عسى اللي تدعي الله يوفقها وتحصل كل اللي تباه فيما يرضي الله ويرزق اللي مو متزوجات بالرجل الصالح واللي متزوجات الله يرزقهم بالعيال أن شاء الله .. اميييييييييييييييييييييييييييين
يا رب تستاهلون اكثر من كذا
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️