مساكم الله بالخير بنات حواء الغاليات
والعذر والسموحه منكم يوم كاتبه بالموضوع فوق المتزوجات خاصه نظرا لانه الموضوع محتاي خبره حد متزوج ويعرف هالشيء من قبل
اول شيء الغاليات بخبركم سالفه ربيعتي ( صديقتي )
وهي سالتني وانا ماعندي اي خلفية وقلت اتخبركم وارد لها خبر:)
الغاليات ربيعتي تقدمو لها ناس على اساس يخطبونها ويو وخطبوها وثاني زياره يابو معاهم حرمه ولدهم الثانية على اساس تتعرف عليها وجذي المهم يوم يايين بيروحون طلبت حرمه ولدهم رقم ربيعتي وقالت لها ابى رقمج المهم خذت رقمها وراحت ومن ثاني يوم سوت لها تليفون تسلم عليها وبعدها بيوم سلمت عليها وقالت لها كلام غريب عجيب ؟!!:eek:
قالت لها ترى اهل ريلي صحيح يقربون لي وجذي لكن تراهم مب زينين وياما شفت منهم وياما صبرت عليهم وياما صارت لي مشاكل معاهم لكن الى بياخذج زين وحبوب وماله خص في حد والله يوفقكم ببعض !!!
سالتها ربيعتي وقالت لها مشاكل من ناحية شو ؟ قالت لها باجر ان شاءالله تيين صوبنا وتعيشين معانا بنفس البيت لكن كل الى بغيته منج انج تكونين معاي على السراء والضراء ونتعاون ونكون يد وحده واذا صار اي شيء خليه بيني وبينج لا تخبرين اي حد نهائي والكلام يقعد بيني وبينج ؟؟؟:42:
طبعا ربيعتي حاولت تتدارك الوضع وتسكت وقالت لها ان شاءالله وانج حسبه اختي العوده واكيد اي شيء بيصير بيتم بينا احنا وبس وقالت لها ربيعتي انج انتي تحسسيني اني داشه حرب ؟ ردت عليها حرمه ولدهم وقالت لا مب حرب ولا شيء بس ناس ما تعرفينهم كثر ما انا اعرفهم
المهم حرمه ولدهم قالت لها بروحج بتعيشيين الى انا عايشته بس انا صابره ومتحمله لانه ريلي يحبني وما علي من حد ثاني
وانتي بعد خلج مثلي وخلنا يد وحده :09: واي شيء يصير بيني وبينج ومع بعض بكل شيء ؟!!
ربيعتي سكرت التليفون ولا خبرت اي حد الا امها وامها قالت لها غريبه هالكلام لكن ما رح نستعيل وبنصبر ونشوف شو بيصير ..
بعد جذي شو صااااار؟؟؟؟؟:09:
يوهم الناس وتقدمو لهم رسمي واتفقو على كل شيء لكن عطوهم مهر ما بين وبين يعني يمكن يكفي ويمكن ما يكفي وقالو هذه امكانيه ولدنا واذا تبون زود ما عندنا مشكله بس ولدنا بيحط الدين على ظهره !! ام ربيعتي قالت ما نبى عليكم شيء والقصور نكلمه من عندنا هذا كله ما عليه كلام
لكن الاختلااف اهني ؟؟ وايضا الحيره اهني ؟؟
هم يبون من خلااص المهر الى رح يعطونه لهم انه العروس تزهب كل شيء حتى فستان العرس ؟!!!!
طبعا هالشيء ما يستوي ولازم فستان العرس على المعرس + الحجز مال الصالون + الحنه
والحين ام ربيعتي تقول انه بتقول لهم ترى الفستان عليكم والحنه عليكم وحجز الصالون
.
.
انتم يا بنات حواء شو رايكم بهذا كله وشو رايكم بعد بكلام ام ربيعتي وموقف ربيعتي وموقف حرمه ولدهم ويا ترى ليش سوت جذي
مفروض انها كنه هالعائلة وتحافظ على اسرارهم حتى لو مب زينين معاها ولا شيء مفروض تسكت صح ولا لا؟؟؟
.
.
وشو الحل الحين بسالفه فستان العروس والمكياج والتسريحه ؟؟؟والحنه
وفي بعد نقطه اخيرة ؟؟
اخت المعرس تقول لها خذي وخذي بس طريقتها مب حلوة يعني طريقتها مثل الى تفرض رايها !!!:09:
وربيعتي محتاااره وايد مب عارفه شو تسوي طبعا هي اول وحده بتعرس من عائلتهم ولا تعرف شو تسوي وكيف تتصرف وايضا سالتها اخت المعرس اذا عندها اي ملاحظات اي استفسارات ؟؟
خبرونا يا بنات كيف تتعامل معاهم وكيف تتصرف في زهبتها وكيف ممكن تسوي بعد كل هاي الاحداث ويا ترى تكلم امها المعرس مباشره وتقول له ترى الفستان عليك والحنه والحجز مال الصالون ؟؟ ولا تكلم امه منعا للاحراج ؟؟؟
والكوشه يتخبرون اخت المعرس شو بخصوص الكوشه ؟ ولا يسكتون !! خصوصا انه اخته قالت العرس بيكون ما عليه قصور وكامل من كل شيء
وتبى تتخبركم ؟؟ تسال اخته اذا بيوديها شهر العسل ؟؟ ولا تسال المعرس مباشره بعد ما يملجون ؟؟
لانه تخاف تسكت يقولون لها ترى مافي شهر عسل ؟!! <<< الي يستحي في هالزمن يستوي مقصه :(
اخيرا :):)
ربيعتي موجوده معاي وتسلم عليكم وتقول لكم لا تبخلون عليها باي مشوره وتراها في ويهكم وما لقت حد من بعد رب العالمين تلجا له الا لكم ..:)
الله يبارك بكل وحده تدخل تحط رايها من خبرة سابقة وايضا تعتبرونها اختكم الى محتايه وقفتكم معاها
الله يوفق الجميع ولكم السلاام والتحيات ..
يلزم عليك تسجيل الدخول أولًا لكتابة تعليق.
اممممممممممممم ,,,,,,,,,, بصراحه طريقه غريبه ,,,,,,,,,,, بس لاتظلمينهم يمكن مرت ولدهم حقوده وتبي تخرب سمعتهم ,,,,,,,, ويمكن تطلع صاجه ,!!!!!!!!!!!! انصحها تستخير بهالعرس ولاتستعيل :)
وتحياااااااااتي لكم ؟؟؟؟؟؟؟؟
بس باطه جبدي اخته شتبي تتدخل لايكون اهي العروس وانا مدري :( :( انا ماحب هالنوعيه
وتحياااااااااتي لكم ؟؟؟؟؟؟؟؟
بس باطه جبدي اخته شتبي تتدخل لايكون اهي العروس وانا مدري :( :( انا ماحب هالنوعيه
هلا اختي شوكولا وغلا
والله ممكن يالغاليه فعلا تكون حاقده وقالت خليني اقول الى بخاطري ويمكن تكون صادقه
ومافي احد بهالدنيا مرتاح سبحان الله :)
لكن نقول الله يارب يتمم لها على خير ويكتب لها الخير والخيرات
وبالنسبة للاخته انا عن راي الخاص اشوف انه ممكن ربيعتي تفرض رايها بطريقه حلوه على اساس انها تحسسها انها لها راي مستقل :) واكيد هالشيء ما يخفى على اي بنت وكل وحده ولها طريقتها
والله ممكن يالغاليه فعلا تكون حاقده وقالت خليني اقول الى بخاطري ويمكن تكون صادقه
ومافي احد بهالدنيا مرتاح سبحان الله :)
لكن نقول الله يارب يتمم لها على خير ويكتب لها الخير والخيرات
وبالنسبة للاخته انا عن راي الخاص اشوف انه ممكن ربيعتي تفرض رايها بطريقه حلوه على اساس انها تحسسها انها لها راي مستقل :) واكيد هالشيء ما يخفى على اي بنت وكل وحده ولها طريقتها
باجي البنات والمتزوجاااات ؟؟ وين آرائكم
دخيلكم تشاركون وتردون علينا الموضوع محتايين وقفتكم وياليت تقرون كل الموضوع وتشاركون ولكم كل الشكر
دخيلكم تشاركون وتردون علينا الموضوع محتايين وقفتكم وياليت تقرون كل الموضوع وتشاركون ولكم كل الشكر
الصفحة الأخيرة
وتحياااااااااتي لكم ؟؟؟؟؟؟؟؟
بس باطه جبدي اخته شتبي تتدخل لايكون اهي العروس وانا مدري :( :( انا ماحب هالنوعيه