اولا استعيني بالله
ثانيا ابحثي بالمنتدى على اطباق حلا سهله و اطباق خفيفه لرمضان منوعه واحفظيه ووفري طلباتها برمضان
ثالثا ممكن لو ماتعرفين تسوين مفرزنات تستعيني بوحده من الطباخات اللي يشتغلون لحسابهم الخاص اريح لك او حتى مطعم او مخبز انا لي كم سنه اتعامل مع وحده نظيفه وشاطره واغلب اللي اعرفهم يتعاملون معها
(كبه برغل-كبة بطاطس-سمبوسه بانواعها-افخاذ دجاج-سبرينغ رول-ورق عنب- ملفوف) واطلب اقماع من مخبز تكون جاهزه افرزنها واحشيها باللي ابي ..وطبعا خبز التورتيلا مااستغني عنه حلو بحشوة الشورما (تلاقي خلطة توابل الشورما جاهزه من ماركة ماجي او كنور ناسيه بالضبط) او احشيها كباب (كباب امريكانا الدجاج خطير) او احشيها روبيان بالبقسماطه ماركة (الكبير) وضروري اضيف صوص ثاوزند ايلاند بيعطيها طعم جنان...
طبعا السندويشات والمقليات مرغوبه برمضان وماننسى البيتزا و البف باستري ممكن تسوين حلا ومالح عليها وسهله
استعيني بالخلطات بالسوبرماركت اللي ممكن تختصر عليك الوقت وتضيف نكهه حلوه
(خلطة الباشميل-توابل للسلطه جاهزه-توابل لافخاذ الدجاج-تتبيلة الشيش طاووق-خلطة البروستد)
وانصحك تشترين الدجاج مبرد وتقطعينه وتفرزنينه شي انصاف وشي حجم صغير اسهل لك وقت الطبخ
طبعا ليلة فطور اهل زوجك عندك
جهزي الحلا من الليل ويفضل ماتتكلفين مره صينيه وحده حلا بارد مثلا شيز كيك وحلا قهوه واحد غير التمر وطبعا لاتخلو ثلاجتك من المهلبيه والكريم كراميل والجلو والعصاير تقدمينها مع الفطور
وسوي نوعين سلطه او نوع
وقطعي الخضار اللي تحتاجينه وحفظيه بأوعيه بلاستك وطلعي الدجاج الكميه الي تحتاجينها وخليها بالثلاجه
وجهزي صحون التقديم والبيالات والفناجيل والكاسات وغسليهم وصفيهم بصواني وغطيها بفوط مطبخ نظيفه لثاني يوم
ويفضل تنظفين بيتك قبل تنامين
واصحي مع صلاة الظهر سوي طبقك الرئيسي والشوربه وقبل الفطور بساعه ونص جهزي الساندوتشات اذا حابه تسوين مثلا رولات دجاج ولاسندوتشات كودو ولا تورتيلا كباب وبعدين اقلي المقليات وركبي القهوه والشاي عالنار وروحي
واخذي شور سريع والبسي شي مريح مثلا جلابيه
وقبل يجون عطري البيت
والله يكتب لك الاجر
klio
•
الصفحة الأخيرة
يعني مثلا السمبوسه لفيها وبس تحمرينها والحلي تسوينه من الليل وتحطينه فالثلاجه وكذالك العصير جهزيه من الليل ..السلطة جهزي أغراضها وغسليها وحطيها فالثلاجه بس تطلعينها وتقطعينها .. المعجنات اعجنيها قبل ماتنامين والظهر قومي ولفيها.. الصواني اذا تحتاج لحمه مفرومه او دجاج سوي كشنتها الليله اللي قبلها وحطيها فالثلاجه واليوم الثاني بس اقلي الباذنجان والخضار اللي بتسوين فيها الصواني وتكون اللحمه جاهزه.. الفناجيل والكاسات والملاعق والمناديل وكل أغراض التحضير والسجادات والشراشف جهزيها بدري عشان ما يكون فيه حوسه .. اول ماتدخلين المطبخ شغلي قران عشان ربي يباركلك فوقتك .. واحتسبي اجر تفطير الصائمين قبل كل شي ..
بلغنا ربي وإياك رمضان