السلام عليكم
يا أختي الله يجزاك الجنة, قولي آمين, قرأت معظم المواضيع المتعلقة بك, ياشيخة ما تعرفي انت فرجت هم كثير من الناس, والله بشر أمثالك بتفريج همك وتنفيس كربك يوم القيامة, الله لا يحرمك الأجر والمثوبة.
أنا طالبة فزعتك أنا لي سنتين تقريبا صرت أصبغ في البيت بس لو أبغى خصل أروح لكوفيرة لأني ما أثق في توزيع الخصل بنفسي وكمان ما عندي أحد أعمل معاه الخصل.
المهم قبل ستة أشهر صبغت بني متوسط وعملت خصل عريضة عند الكوفيرة لون بيج, وقبل ثلاثة شهور تقريبا صبغت الجذور بلون أشقر فاتح جدا وخليته في شعري 40دقيقة, ثم في باقي الشعر 10 دقايق, وطلع اللون حلو بس فاتح زيادة عند الجذور, وقبل كم يوم صبغت الجذور الجديدة اللي كانت تقريبا أصباعين بلون أشقر فاتح جدا بس ما طول في شعري يعني خليته على الجذور 25 دقيقة وبعدين على باقي الشعر 10 دقايق.
هذا كله ولون الخصل ماراح بس اتغير شوية.
عموما اللون طلع حلو وفتح وجهي وأشرق, بس زوجي ما عجبه لأنه ضرب على حمار خفيف, وفي بعض الأماكن صار كأنه رايح على نحاسي أو ذهبي غامق, يعني في الشعر اللي فوق الجبهة وفوق الأذنين.
المطلوب: أبغى أصحح اللون بحيث ما تروح الخصل وفي نفس الوقت أخفف من لمعة الأشقر وحماره, أنا اشتريت أشقر رمادي فاتح لأني قلت انه حيطفي اللون وفي نفس الوقت ماحتروح الخصل, انت اش رايك, ماراح أعمل شي في شعري حتى تردي علي, وترى يمكن بكرة في الليل عيد, ياريت ما تبخلي علي بخبرتك الله يفرج همك ويفرحك ويسعد أيامك.
ولك مني جزييييل الشطر مقدما.
العمرين3 @alaamryn3
عضوة
هذا الموضوع مغلق.
هموم الدنيا بصدري
•
اقول اختى ابعد عن اشقر رمادي فاتح تراه بيطلع ببرتقاااااااااااااالى <<<<< مجربته وتوهقت
الصفحة الأخيرة