فساتين السهرات في الرياض وين أحصلها..؟!

العليا مول اسعاره تتفاوت من 300الى 2000 واحيانا اكثر
بس فيه عندك
معرض روزانا في الشارع الي قبالة العليا مول حلوه فساتينه
وعندك الموسى - اسواق مكه - صحارى-
الله يوفقك لما فيه الخير

شارع العليا العام فيه كذا محل
انا اخذ من لمسات طيبه على نفس الشارع
وفيه غرناطه فيها محلين او ثلاثه
وعندك حياه مول

للرفع

بناااااااااااات رحت البارح لمحل لمسات طيبه
معي بنت خالتي وهي من مدينة الخرج

من نزلنا من السياره وهي منهبله وتاشر ع الفترينه وتقول هالفستااااااان
قلت وش فيه قالت موجود بسوق اسمه " الكريديس بالخرج " قلت صدق !
بكم قالت بـ 800 ريااااااااال

قلت طيب تعالي نتفرج ثم نسئل عن سعره بلمسات
دخلنا تفرجنا ثم جيت عند الفستان قلت بكم سعره وش تتوقعون قال خخخخخخخخخخخ




















بـ 2800 ريال :D

ماقدرنا مانبين اننا انصدمناااااااااا وقلت له كل السالفه قالت يمكن صناعه صينيه هذا من تصاميم زهير مراد قالت بنت خالتي حتى الي بالخرج قال هذا من تصاميم زهير مراد وطبق الاصل هذا هو

قال بالاخير والله مااااااااااااابعرف خخخخخخخخخخخ توهق

صراحه كنت دايم اشتري منهم انصدمـــــــــــــــــــــــــــــت وطلعت ورحنا لحياة مول الدور الثاني كله فساتين ولا يهون الموسى

انتبهوا يابنات ودورو كثير قبل تقررون تلاقون نفس الفستان وباسعار مختلفه تصدم من الفرق الشاسع
حسبي الله عليهم

ايه قبل انسى الفستان بالفترينه لونه رمادي شي زي كذا المهم العلامه الفارقه
ورق زي الجلد ع كل الصدر ونازل شوي ع الخسر

..
.

وعندك الموسى - اسواق مكه - صحارى-
الله يوفقك لما فيه الخير