مشكورة اخت ام نورة على ردك :26:
بس على فكرة اذا تبين حكمي كوحدة شريت من عندهم؟؟
اولا فساتين السهرة ماركة BCBG انتي عارفة هذي الماركة؟؟ هذي انتي لو تبين بس قميص ابيض عادي للجامعة مثلا راح يكلفك مو اقل من 400 ريال او 500 ريال و فوق كذا احنا هنا في الشرقية ما عندنا هالمحل الا في مجمع الواحه و المحل صغير و ماعنده تشكيله ولا عنده فساتين سهرة هي ماركة جدا و معروفة و بصراحة انا لما اشتري اشتري الاسم قبل كل شي يعني مجرد احساس انك لابسه فستان هالماركة و بهالسعر شي خيال الفساتين جداً راقيه و موديلاتها ناعمة موديلات الايام للي مبالغ فيها خلاص راحت موضتها لو شفتي اكثر عروض الازياء الحين خلاص ماصار في احد يصمم الاشياء اللي واجد زحمة و بالنسبه لفساتين الزواج قمة في الفخامة ما اعتقد انك ممكن تلاقين نفس هالفستان ب 500 ريال مثل ماقلتي الا اذا كان شغل اي كلام الشي من ملمسه ونظرته و طلته تبين فخامته و انا وحدة لو اشوف نفس الموديل و لكن بنوعيه رديئه اقدر اقرر هالشي من مجرد النظر و فوق كذا صناعتهم كلها صناعة اوروبيه و كنديه و امريكه و سناء صناعه كلها شرق اسيا يعني حتى اللي شريتيه ب 49 ريال يمكن هم جابوه بالجمله ما كلفهم ولا ربع ريال :27: و بيني وبينك احنا بنات هالايام ندور على التميز و الشي الغريب انا وحدة خلاص زهقت من المحلات التجارية العادية اللي اذا شريتي الشي لقيتي كثير لابسين مثلك انا وحدة احب اتميز و هذا اكثر شي عجبني في هالمحل انك تطلبين البضاعة من معرض صورهم و ترسلين لهم الطلب على الايميل و يرسلونه لك و انتي ضامنه و عارفة انهم ما اشتروه من محل هنا و باعوه لك عشان كذا مافي احد راح يلبس مثلي و على فكرة نسيت اقول ان ترى المحل من قوانينه ان ممنوع يجيبون اكثر من قطعه للموديل الواحد عشان ما يصير في 2 لابسين مثل بعض يعني بصراحة ناس تفهم اذواق البنات في هالايام و طلباتهم الله يعافيهم على مجهودهم و على محلهم انا مرة مبسوطة اني تعاملت معاهم و من خلال خبرتي الصراحة انصح الجميع فيهم بس مثل ما قلت لكم ادعولي اذا شريتو من عندهم لاني انا اللي دليتهم عليهم :24: :27:

Radiant

مشكوره حبييتي وين محله بالضبط :26: :26:

أهلين ود وشوق العفو حبيبتي
قلت لكم المحل موحود اونلاين على الرابط اللي عطيتكم اياه بحطه لكم مرة ثانيه
اذا لقيتي شي عجبك في معرض الصور ارسلي على ايميلهم و اطلبي منهم راح يعطونك رقم حسابهم عشان تودعين الفلوس و اول ما توصلهم الفلوس راح يسالونك اشلون تبين نرسل لك البضاعة اذا انتي في المنطقة الشرقيه في السعوديه واذا استلمتيها و ما عجبتك عادي ترجعينها لهم و ترجع لك فلوسك كامله و هم حتى بره السعوديه يشحنون هم ما عندهم محل تروحين له بنفسك لا هم فقط على الانترنت يعني online shopping انا مبسوطة اول مرة في حياتي اجرب هاللي يسمونه التسوق عن طريق الانترنت ههههههههه:27:
هذا هو لنك محلهم
http://pg.photos.yahoo.com/ph/customers_orders/my_photos

مثل ما قلت لك الناس اذواق اختي الغاليه
وبالنسبة لي ما اشتري (الاسم) لانه هالشي (ضحك على الناس) و(لحس لعقولهم)، والتميز موجود يعني مثلا لما تشتري من فيكتوريا سيكرت هو نفسه جبت منه من سناء اللي بالامارات بعد كم شهر وشي روعه جبت قميص نوم نفس اللي بموقع الانترنت مال فيكتوريا سيكرت لا والقماش روعه وما يخترب :) وباقل من نص سعر اللي بالموقع
فليش اخلي الناس تضحك علي وياكلون عقلي تحت شي مو مهم اسمه (اسم ماركه)
وبالنهاية اتمنى للجميع التوفيق والله يرزق الكل بتجارته
بس بالنهاية برأيي الماركات واسماء الماركات ما هو الا استغلال للناس ونصب علني :)

واختلاف الراي لا يفسد للود قضيه

وتحياتي للجميع والله يرزق الجميع بتجارته واللي ما احبه يمكن غيري يحبه وهالشي مسألة ذوق مو اكثر :)

انا مع ام نورة في الكلام اللي قالته
الوحدة تشتري خامة ترتاح منها ومن سعرها افضل مما تشتري ماركة وخرابيط