الله يوفقكِ

بسم الله الرحمن الرحيم

الشمس المشرقه ياقمر بصى على الصوره حبيبتى

قياسات الفستان واضحه فى المربع الى انا محددا

هنا محدد الكورنيش 13 سم

معناه انك حتشتغلى الكورنيش الاول وتطرحى الكورنيش من طول الفستان حتى تحددى طول الفستان

ونفس الموضوع فى الكم تشتغلى الكورنش الاول




الكم شغله قطعه مستطيله والفستان نفس الموضوع قطعه مستطيله


يعنى لايوجد حرده للابط

الجزء المنقط الى عليه السهم هو المقفول

و زى ماقالت فرولايه الجميله انتى حتحردى الرقبه فقط

الصدر سقوطه اكتر من الظهر

الظهر سقوطه لاتعدى 1 ونصف سم
والصدر حوالى 6 الى 7 سم

سقوط حرده الرقبه حبيبتى

وهاتى اى تيى شيرت جاهز واضبطى عليه الحردات

لانه باترونه نفس باترون التى شيرت

وحددى وسع الفستان على وسع جيب عندها عشان مقاس الهانش او اكبر حجم لازم يكون اكبر من مقاس الصدر

وتحددى البدايه بانك تشتغلى من الخيط الخاص بيكى

تقريبا 20 سلسله فى ارتفاع 10 سم تقريبا وبعد كده تقيسى بالسم

العشرين غرزه او عشرين سلسله بدايه انتجوا كام سم

مثلا لو انتجوا 5سم والهانش مقاسه 25 سم

يبقى انتى محتاجه 100 سلسله

لايمكن ان نحدد الشغل بانك تشتغلى سلاسل وتشوفى مقاسها وتبداى

هذا شغل غير مضبوط عمر السلاسل ماتحدد مقاس شغل ابدا

كل خيط يعطى مقاس

وكل ايد بتشتغل تعطى مقاس فى اخت توسع الغرز وفى اخت تضق الشغل جدا كلا حسب ايده فى الشغل



بالتوفيق حبيبتى

ويبارك فى صحتك وعافيتك وعنيك ياقمر

ربنا يوفقك ان شاء الله

السلام عليكم ورحمة الله وبركاته

الأخت سهام شرحت البلوزة بالتفصيل لكن بما أنك قلت أنك تعملي البلوزة من غير كم

فأنا من رأيي تعملي حردة للإبط

الاخت الكريمة الفستان واضح من شكل باترونه

فى الصورة والباترون ظاهر فيه نصف المقاس بمعنى انتى بتاخدى

دوران بنتك عند المقعده (الهانش ) وتقسمى الوسع على 2

وتزيدى برضه خمس سلاسل

وتبأى زى ماقالت الاخت فرولايه

من تحت تشتغلى بالغرزة المستعملة

لغاية ماتصلى بشغلك عند الطول المطلوب وعند الباط و

بغرزة المنزلقة اشتغلى 4 غرز فى اول السطر وقبل نهاية السطر نفسه

ب4 غرز ارتفعى بشغلك للسطر التالى وبرصه بغرزة المنزلقة

اشتغلى 3 غرز وهكذا هيكون التنقيص بشكل

1.2.3,4 واشتغلى دون زياده لغاية قيل النهاية ب6 سطور

ابدأى فى فتحة الرقبة لو مدورة او مربعة وكملى واقفلى شغلك


وبكده هتتعمل معاكى فتحة الباط والرقبة الامامية

ولاحظى ان الرقبة الخلفية هتكون اعلى شوية بسطرين من الامامية

بعد كده بنفس المقاس اشتغلى قطعة تانية

وشبكيهما واشتغلى الداير بعد التشبيك

وحول فتحة الباط اعملى برواز سطرين بغرزة الحشو لسماكته

وممكن تشتغلى سطر بغرزة البيكو او اى حافة رقيقة تختاريها

بالتوفيق والف مبروك مقدما