فستانك الأبيض.. قصه,,, إحكي تجربتك؟؟؟

فستاني صممته في أتليله بدولة عربية
و كنت ابيه كرستال
و حطو فيه كرستال كمية كبيييييييرة و كلفني و ايد
بس يوم ييت البسه بيوم عرسي ولا هو ثقيييييييييييييييييييييييييييييييييييييييييل
مو عارفه امشي فيه و لا عارفه ارقص فيه
و قامت امي كل شوي تعدلي ذيله علشان اعرف امشي
ما حسبت حساب وزنه حتى بالسيارة بالغصب ركبوني

موضوع رائع وجميل ويذكر بأحلى ايام العمر

انا فستاني الحمد لله ما صار لي فيه مواقف طريفه ولا مبكيه
الموقف المؤثر اللي صار ان اللي بالحفل انبهروا فيه ولله الحمد
والفضل يعود لله ثم للمصمم السعودي يحيى البشري

وجتني عروض خياليه على تأجيره ولكن لم اوافق
والوحيده اللي اعرتها اياه وبدون مقابل بنت عمتي

اطلعت على ازياء عرايس بأفخم دور الازياء الفرنسيه واللبنانيه وما عجبوني

وفصل لي المصمم السعودي شئ يناسبني وكأنه يقرأ افكاري ما شاء الله تبارك الرحمن عليه
الله يمسيه بالخير وين ما كان

وللحين محتفظه بالفستان بدولاب خاص له لحاله وبين فتره والثانيه انفضه و ارتبه

انا استاجرته
لاني مانزفيت
بس تحسفت اني ماشريت علشان يصير ذكرى

انا لبست فستان اختي تزوجت قبلي بسنه

كان فستانها اكثر من روعه وماكان فيني حيل افصل فستان زواج

توني متخرجه من الثانوي ومالي خلق

وكنت حاطه في بالي انها ليله وحده وكم ساعه ماله داعي اخسر 10 او 15 الف عشان كم ساعه

وفلوس الفستان استفدت منها في حاجه نفعتني اكثر من الفستان

وعلى فكره ولا واحد لاحظ انه فستان اختي خخخخ

والحمدلله ماندمت على هذا الشي ابدااا

وبعد زواجي كم وحده سوت نفس اللي سويته لبسوا فساتين خواتهم

^
^
سنيت سنه حسنه

ان شاء الله لك اجر