فستاني اصفر والمكياج!!!!1

الجنــ ام حمد يـبي :

اختي ... انا اليوم كان عندنا عرس وكنت لابسه فستان اصفر..وفي شوي وردي .. وكان مكياجي روعه كلهم يسألوني منو مسوي مكياجج طبعا محد غيري يسويلي مكياجي ... المهم بخبرج شو تحطين وان شاء الله بيظهر عليج المكياج روعه ان شاء الله .. طبعا بعد ما تحطين الاساس والكونسيلر والبودره .. تبدين في العين .. اول شي حطيت اللون الابيض المطفي على كامل الجفن وبعدين حطيت اللون الاصفر اللي من مااااك واذا ما عندج هاللون نصيحه خذيه لان وايد حلو ما يتفوت ومن احسن الالوان اللي صادفتني في حياتي المهم ايضا وزعته على كامل الجفن بس المنطقه اللي تحت الحاجب اخف عن الجفن.. بعدين من مكيب فورايفر عندهم اللوس باودر اي شدو (الفوشي) فيه نوعين بلمعه وبدون لمعه طبعا اختاري اللي بلمعه لان فعلا لونه حلو... ملاحظه : (اذا تبين ترومين تضيفين لون ثالث مع الفوشي وهو الاخضر العشبي وايضا بنفس الطريقه التربيت على شكل غيوم وتدمجينه مع الاصفر والفوشي مع التمويه ) وبطرف صبعج حاولي بطريقه التربيت كأنج تسوين غيوم او سحب وممكن تستخدمين الفرشاه مالت الدمج بس افضل تسوين هالطريقه بصبعج لانها تبين وايد طبيعيه... المهم بالضغط والتربيت والمسح الخفيف على طرف الجفن او زاويه الجفن وتدمجينه مع الاصفر لين ما توصلين نصف الجفن وهناك تحاولين تموهين بين الاصفر والوردي عشان يبين بطريقه منظمه وحلوه.. بعدين عندج اللمعه الذهبيه(الدايموند باودر ) وزعته على كامل الجفن نفس الشي بطريقه التربيت بالاصبع بس انتبهي لان اللمعه تخفف من الوان الاي شدو فاذا لاحظتي اللون بدا يخف ردي بصبعج حطي منه .. ولا تخافين ترا اللمعه بتكون موجوده.. بعدين طبعا ترسمين عينج كامله بالاي لاينر انا عن نفسي ارمسها بطريقه زينب العسكري ... واخر شي الماسكرا.. والروج كان لونه لحمي بس بطريقتي .. يبت روج احمر بعدين يبت روج من فواريفر اللي على شكل غلوس لونه لحمي روعه رقمه 7 او 12 ما تذكر بصراحه وحطيته .. وتعرفين ليش سويت هالحركه عشان يكون الاساس احمر ويعطي اشراقه للوجه اما اذا حطيت اللحمي على طول بيطلع شكله مو شي ... والبلاشر كان عباره عن لونين اول شي حطيت وردي وبعدين حطيت البرونز عشان اللمعه وطلع لووون عجيب .. وطلع المكياج جناااااااااااااااااااااااان ومرتب وحسيته صيفي ... اتمنى قدرت اوصلج الفكره .. اي شي ثاني تراني حاضره :)

اختي ... انا اليوم كان عندنا عرس وكنت لابسه فستان اصفر..وفي شوي وردي .. وكان مكياجي روعه كلهم...

برونا :

اهلين اختي جربي حطي اساس بيج والشدو بيج بلمعه او ذهبي بلمعه والروج بني وسط درجته مو فاتح ولا غامق وموفقه.

اهلين اختي جربي حطي اساس بيج والشدو بيج بلمعه او ذهبي بلمعه والروج بني وسط درجته مو فاتح ولا غامق...