‘‘‘فستاني والمكياج المناسب ؛؛؛اللي تبي دعوه بظهر الغيب تساعدني

هلا اختي

شوفي ممكن تسوين مكياج بني مع ذهبي والاضاءة تحطينها بيج تحت الحاجب

اول شي تبدين توزعين الكونسيلر على الاماكن الغامقه وتحت العين وتوزعينه بالاصبع
وبعدين توزعين الاساس بيدك ولا بالاسفنجه الخاصه
تحطين بيس للاي شدو وتبدين تحطين اول اللون البني وفوقه تحطين الذهبي بعدين بفرشه ثانيه اللي هي فرشة الدمج تدمجين اللونين مع بعض بعدين تحطين تحت الحاجب بالركن الاضاءة البيج بلمعه واكحلي عينك من جوا بالكحل البني وارسمي خط بالاي لاينر وارسمي حواجبك بقلم بني غامق وخففيه بعدين
ارسمي بمحدد الشفايف البني وحطي روج فاتح وادمجيه مع المحدد عشان يختفي شكل المحدد ولا يبان خط زي القروي فهمتي علي :) .. وبعدين حطي قلوس

بلاشر حطي لون خوخي او برونزي

وهذا المكياج بسيط وسريع ونظيف ومافيه اي حاجات زايده ولا لمعات كثيرة لو تحبين الهادي :)

صبااااااااااااح الورد
اول خطا انت سويتيه انك فصلتي او شريتي فستان حفله داخل فيه اللون البيح او البني
يابنات الله يهديكم والله مهما كان الفستان حلو وكان المكياج اللي حطيتيه متعوب عليه
بمجرد انك تروحين للحفله والبيج موجود سواء بلبسك ولا بمكياجك راح تبهتين وماراح
يكون لك طله
الحين انا بقولك على ميك اب بس ماراح ادخل البيج فيه ابد
حطي اضاءه الحاجب ذهبي
وعلى الجفن الثابت اي شادو فيروزي وعلى الجفن المتحرك اي شادو اسود
ومن تحت حطي بس اسود عرييييييييييييييييض وطبعا كحل داخل العين اسود وحاولي تدمجين اللونين من وراء يعني عند زاويه العين الخارجيه وبعدين خوذي قليتر لمته قووووووويه لونه فيروزي وكثفيه عند زاويه العين الداخليه من تحت بس يعني بس اربعه ملم من قدام
وحطي اضاءه ذهبي على عظمه الانف والخدود والبلاشر مشمشي مايل للاورانج والقلوس مثل لونه

أنا رايي من راي بنت الحفر ..
بس بدل الشدو الأسود حطي بني غامق على الجفن المتحرك وفيروزي على قوس العين بين المتحرك والثابت والإضاءة تحت الحاجب ذهبي ... وإدمجيهم زين وكثفي المسكرة واغلكحل الأسود جوا العين وتحت العين شوي ..


والروج بيج فاتح أو زهر باهت ..
والبلشر برونزي ..

انا كمان مافضل البني والذهبي لزواجاتنا الخليجيه تصيري باهته كانك متزينه من الصبح
دخلي بالشدو فيروزي
واذا انتي من النوع اللي مايقتنع
حطي الشدو ذهبي وبني من فوق
والخط اللي تحت العين فيروزي ورجعي ارسمي عليه بالكحل السايل
وحتى داخل العين حطي كحل تركواز والمسكره زرقا
الروج بيج مات وحطي عليه جلوس ذهبي
عندك جلوس فيه جليتير ازرق من جيرلان وكحله داخل العين كحليه رهيبه
والكحل التركواز ميك آب فور ايفر

حراااااااام حطمتوها :(

بس كلاااام بنت الحفر تمااااااام التمام....

طبقيه حبيبتي وان شاءالله تطلعين توب:)