أول مره اشاركم في قسم الأزياء .. واتمنى مشاركتي تكون مفيدة وبنفس الوقت استفيد من آراءكم
تدرون اشوي ويجي الصيف .. وعشان أستعد للأعراس .. فكرت أخيط فستان .. وانا من زماااان ما خيطت وكنت معتمدة على الجاهز .. بس صراحه لاعت جبدي ماأحصل اللي في بالي وان حصلت اتبهدل بتستيره وبالغالب البس شال وانا مااحب الشاااال..
وأي وحده عندها عرس وتبي فستان تعالي شوفي الخطوات :
اول الشي دورت بالنت عن الموديلات وآخر انتاج للمصممين وطلعت بهذي النتيجه
أن هالسنه الدارج هو اللون الأصفر .. والموضه هي الكم الطويل .. طبعا لو رحت عند مصمم بطلع بفستان كم طويل يجنن وانا مرتاحه
لكن انا ما ابغي اتكلف بالفستان .. ابغي شي بسيط من تصميمي وبوديه الخياط اللي عند بيتنا وهو خياطته مرتبه
بس نص الشغل بيكون علي في تصميم الموديل واختيار القطعه
البارحه رحت السوق وأخذت قطعه شيفون طبيعي لون أصفر ... ومريت على بيت المرح أخذت شريطة عليها فولك فضي ..
وصممت موديل أحب انكم تشوفونه وان شاء الله يكون واض لاني سويته عالسريع وبالرصاص
وهو اقتباس من فكرة هذا الموديل
فكرة الموديل اللي رسمته :
الفستان كامل بيكون شيفون اصفر
جهة الصدر مثل ماهو مرسوم تكسير خفيف والتطريز اللي تحته يكون من الشريطه اللي اشتريتها بيركبها الخياط.
وجهة فتحت الصدر بحط دانتيل فرنسي لون بنفسجي ..
ومن تحت الخصر يسوي لي حزام .. من الدانتيل البنفسجي يكون لاصق بالفستان مب مفصول وعلى الدانتيل كرستالات وحولينه مو فوق وتحت خط من الشريطه الفضيه اللي قلت لكم عنها.
وتحت الحزام يكون كلوش من الشيفون
نجي للكم اللي احترت فيه .. شفتوا المديل اللي حطيته البنفسجي كيف الكم فيه .؟
هذا الكم حلو لكن ما ينفع بشيفون لازم يكون تور والا بطلع مثل علي بابا .. وما ينفع احط عشرين قطعه بفستان واحد يعني ما يستوي احد تور وشيفون والا اشرايكم ..؟
عشان كذا انا ابغيكم تساعدوني بحركات حلوه للكم ويكون شيفون
انا شفت هالحركه بس مافهمتها
يالله ابغي تفاعل
والكم اللي بالصوره الاصفر شكله قطعه منفصله تلبس لوحدها مسكره من فوق جهه الكلفه ومفتوحه من تحت توضح اليد مع الحركه
حلو موديله بسس ماادري كيف بيجي مع موديل الفستان على حسب شطاره الخياط لايوسع الكم مرره ..
>>>> شكلك مافهمتي شي
أتمنى اكون افدتك لو بشئ بسيط ولاتنسين تخبريننا شيصير عالفستان .
بالتـــــــــــــــــــــــــــــــــــــوفيق ..