فتفوته ستور @ftfoth_stor

كبيرة محررات

فستان العروس.. عريان ولا مستر ؟؟ نقاش,,,,,

بسم الله الرحمن الرحيم

كيفكم يااحلى صبايا

اليوم نبي نناقش موضوع فستان العروس

عريان . من غير اكمام . ونص الصدر باين. والظهر باين. والبطن باينه؟؟

ولا

مستر وباكمام طويله.او كم حيران او كم معلق, وبنفس الوقت فخم وانيق؟

انا وجهه نظري اشوف ان العروس لازم تكون قمه في الحياء والعفه.. واستغرب من العرايس الي يلبسو عريان بطريقه مبالغ فيها..طيب وين الحياء ووين الخجل؟؟؟وانتي بيوم زواجك
وماما كل ماتشوف عروسه لابسه عريان بالمره تقول وش خلت لقميص النووم!!؟؟ وهي صادقه والله
اصلا تعرفو ليش اختارو ان العروس تلبس اللون الابيض
لان معناه الخجل والعفه والحياء....

اصلا شوفو اميرات بريطانيا وامريكا...والخ وش يبلبسو
اغلبهم اكمام .. لان الاكمام اناقه وفخامه.. مو شرط طويله . ممكن كم حيران
ممكن الكم المعلق
ممكن كم دانتيل
ممكن اي طريقه؟؟

انتظر ارائكم ,,
وياريت الي عندها فستان كم طويل للزواج وناعم وفخم تحط صورته هنا
والله يجزاها خير

يلزم عليك تسجيل الدخول أولًا لكتابة تعليق.

تسجيل دخول

#فلونا# • 13 سنة

صح كلامك بس لصار ماراح يشوفها الا زوجها عادي يصير لبسها عاري شوي لكن لصارت تبي تنزف لازم عليها تتسترمو شرط كم طويل لو كم ربع يصير حلو وشيك_وجهة نظر_

فتفوته ستور • 13 سنة

فلونا فيه عروس ماتنزف؟؟؟ كيف يعني تلبس فستان ابيض ولا تنزف ولا يشوفها غير زوجهاا؟؟؟؟؟

نـادرة الوجـود • 13 سنة

ايه حبيبتي فيه
تقعد بغرفه العروس بقاعه الفرح
او بيت اهلها وعلى بيت زوجها
ماتحضر زواجها
مو كل العرايس تنزف
واعجبني فكرتك بس يسمعون بالتطور والذوق

فتاة الأزهار2 • 13 سنة

انا بصراحه احب العروس المحتشمه احي حتى فستانها فيه فخاااااااااااامه..

اما اللي تلبس توب او الظهر مفتوح او نص الصدر طالع هذي احسها جريئه وقليلة حيا صراحه وماااقدر حتى اطالع فيها..

حلو لو الكم طويل ان شاء الله ناويه متى ماربي رزقني بالزوج الصالح فستان فرحي كم طويل ..

اللي مو حابه الطويل ممكن تعمله نص كم بحركه او كت نازل ..

موضوعك مره حلو فتفوته تسلمي عليه:)

مشاعر متمردة • 13 سنة

والله انا اشوف كل وحدة وذوقها
بعدين يوم الفرح هذا البس فيه لنفسي
مو للناس والمعازيم
واللي مو عاجبه لا يجي
كمان يعتمد على مجتمع العروسة نفسها