فستان حفلتك (عرس - او اي مناسبه ) بكم اشتريته او استاجرتيه وشو سويتي فيه الحين ؟؟؟؟؟؟

هلا عزيزاتي

ودي اسالكن عن ثوب لمناسبه لك عرسك او خطوبتك او اي حفله بكم اشتريتيه او كم دفعتي له من فلوس وشو سويتي فيه بعد كم سنه وندمتي عليه ولا لا

ابدأ بنفسي
انا ثوب عرسي كان مررررررررره غالي كان هديه من جدتي من يوم وانا صغيره تقول ثوبك علي المهم ما تصدقون كم كلفها القماش فرنسي والخياط عند مصم لبناني طبعا هي وصت وحده من معارفها تعمله لي وجدتي شبابيه راعية موضه المهم كلفها 57 الف ريال سعودي طبعا غير الاكسسوارات الي انا تكلفت فيها وياريييييييتني لبسته
قبل عرسي باسبوعين زوجي العزيز جاته بعثه لمدة سنه سافرنا ولا عرس ولا شئ حتى حجز الفندق راح مني الي هو كمان هدية البابا ( على فكره حنا عوايدنا كذا العروس يتقدم لها اكثر لوازم عرسها كهدايا من محبينها )
طيييييييييب ثوبي ما اخذته معاي لانه ثقيل مررررررررررررره وزوجي قال ولا يهمك اول مانرد بعد سنه تلبسينه علشان ذكرى زواجنا وانا كل ما اتذكره اموت قهر
بعد سنه الا انا حامل وبعدها بفتره قلت بالبسه حاولت ما دخل فيني لان وزني زاد
وحده من خوياتي غاليه على قلبي موووووت اطلبته مني بصراحه حز بنفسي بس قلت خويتي ما تتقدر بثمن ومب خساره فيها واعطيته لها ويارييييييييتن ما سويتها اضاءات الفندق الارضيه احرقت الثوب من تحت مب حرق يعني تكرمش يعني صغر شبرين واغسلته هي بمغسله مب زينه خربو لونه نهايته تبرعت فيه لجمعيه خيريه وما ادري وشو صار معاه من جد انا ندمانه عليه واقول لو اني انتفعت فيه او بفلوسه بالذات لما انزنق
انتو وشو سويتو بفساتينكم ؟؟؟؟؟؟؟؟