السلام عليكم ورحمة الله وبركاته
بالبدايه اشكر توته ام ريتال على مساعدتها
الفستان فخم جدا و لبسته بزواج اخوي بس كم ساعه
و اذا تم طلبه باغسله بالبخار و اكويه ويجيها نظيف جاهز
انا بالدمام اوصله للي بالدمام و اشحنه باذن الله للي تبغيه
والفستان صممته عند مصمم بالدمام ب3000 ريال
وقماشه ممتاز و نظيف
ولبسته كم ساعه بس ونظيف يعني اتمنى ماتبخسون بسعره
والصوره ظالمه الفستان لانه فخم جدا وكل من شافه اعجبه
الفستان من الامام وركبت له ايدين للتستير والايدين شيفون و بوضح بالصور شكله
و الظهر نفس الشي مسترته
و واضح قطعه حول الرقبه بوضحها بالصور
هذي الاكمام واضحه هون صورت واحد من الاكمام للتوضيح
صوره قريبه للصدر شغل متقن و فخم وثابت الشغل ثابت و ماخرب منه شي
صورتين متحركه للجزء الي حول الرقبه ( جزء مثبت بالفستان لكن الجزء الثاني كنت اثبته بعد اللبس بخياطه خفيفه و محتاج تثبيت اما بخياطه خفيفه او بتركيب مشبك صغير)
صوره للجزء من عند الخصر تقريبا للفستان الشغل ثابت و ماخرب منه شي من الامام والخف
أسفل الفستان من الامام وواضح ذيل الفستان طويل شوي مو كثير
وواضح لكم حركة اسفل الفستان فخامه للفستان
صوره اقرب لاسفل الفستان
الفستان من الخلف
اسفل الفستان وذيل الفستان
ولابراء الذمه فيه بعض الزينه بالفستان بالظهر انفك الغراء وطاحت
بس والله مو ماثره ع الفستان ومو واضحه
ووضحتها بالصور وتقدرين تشترين مثلها و تركبينها وهي كم حبه مو كثير الي طاحو
الصوره متحركه وموضحه فيها الي طاحو
و الصوره توضح التستير لظهر الفستان
الحمد لله وباقي ثلاث فساتين باحاول انزلهم بمزاد ثاني لان تحميل الصور متعب
وانتظر ردودكم خواتي واتمنى ماتبخسون بسعره
نزلت من سعره 1000 ريال و عرضته ب2000 ريال
وهو جديد و جدا مرتب و فخم