ما تذكر اني خيطة فستان باكثر من 1000 ريال طبعاً كل تكلفته قماش وخياط ليه وش حادني احط 6000 في قماش مع اني اشتري الماسات وساعات وشنط ماركات بس شيين لايمكن احط فيها فلوسي الفساتين الغاليه والشوزات ما اتخيل اشتري جزمه با 2500 ريال مع اني اشتري شنطه با 4000 بس احط في رجلي 2500 معصي

وحال زوجي المادي كويس وانا عندي ورث وخير بس ما قدر قلبي ما يطاوعني

واغلب الاحيان ما يكلفني فستاني اذا مو من قريبين لي 300 مع الخياط لاني ما احب اشتري جاهز اذا جيتي العرس لين 5 حريم مطقمات زيك

وما يبط قلبي الا اذا رجعتي من الفرح وسكر عندك وصل 500 من كثر الشوكلاتا والحلويات الي يوزعونها وكانه افتتاح محل حلويات مو زواج يكفي صنفين حلى وصينية معجنات
والله ما فيه مثل الزواج العائلي زي زواج رفظة حفله وطقطقه وزفه وش زين زواجي هادي والعائله بس

مدري وش سالفه الاخطاء الاملائيه حقتي اللي في الرد بس شكلها من القهر لاني مقهوووووووره مزنوقه ابغى فلووووس

بل بدأت موجة من الأطباق الكبيرة مملؤة بالحلوى تدور على الحضور ، ثم نوع آخر من البيتيفور وثالث من التمور المغلفة بالمكسرات والشوكولاتة..
ثم تشيزكيك وقهوة تركية..!!؟؟
ثم عصير ، والطريف أن كل صنف يقدم تصاحبه زفة من الطبول والأناشيد..!!؟؟
هادي الأمور الي تقهرني وطالعين فيها

وفستان 6000 الاف
اجل الكوشه بكم والقصر بكم
الله يرحمنا برحمته

والله تدفع ست الالاف ولا ستين ريال محد داري عنها بكيفها ههههههههههههه ست الالاف راتب موظف
بس القهر على قولتك اذا حطوا العشى الساعه اربع شي يرفع الضغط ليش التاخير بالعشى كذا المشكله نص الناس يطلعون ونص الاكل يقعد ماحد ياكله ولا يكبونه بالزباله انا اذا جت الساعه ثنتين ابدا احتمس ودي اطلع صرت ماروح العروس الا نادر وشذا العرس اللي تجي الساعه احدعش ونص العالم ماجت وشلون يجسرون يرجعون مع السواق اربع طيب وش الحكمه من التاخير

كثيره هذي الحركااااااااااات هالايام

الله يرحمنا برحمته