فسخ خطوبتي و(الناس)حسبي ربي وكفى

بسم الله الرحمن الرحيم

السﻻم عليكم ورحمه الله وبركاته،،

انا من زماااان من متابعين المنتدى اجد راحه لما ادخل المنتدى

مو عارفه ايش اقول و من فين ابدأ لكن كﻻم كثيرررر فقلبي كاتمته وبعض الأوقات يخرج على شكل دموع مو عارفه اقول لمين و افضفض لمين

انا انخطبت لما كنت اولى ثانوي(والله صغيره يا ناس) الولد اهلي مرررا طارو فيه عاجبهم هو من جماعه امي انا صليت استخاره كذا مرا ما ارتحت قلبي كان مقبوض رفضت قلت ما ابيه...
امي قااامت علي تقومني و تقعدني بخصام حتى قدام الناس وهذا كلو و ما قالت لأهلو اني رافضته جانا خالي و شاف كيف امي تعاملني لما راح عند خالتي الثانيه قالها و بعدين بنت خالتي قدي قالت لي خالي يقول انك تحزززنين مررا امك تقومك و تقعدك بخصام و تحت الضغووووط و القرف وافقت عليه وانا مو مرتاحه

تعالو شوفو فرحه امي كيف حسيت انها هي اللي بتتزوج وانا خﻻص صرت اشوف الدنيا سوداء فعيني ما كنت فرحااانه ابد ما كنت متحمسه كان يجيب لي هدايا بالهبل ما كنت افرح لما يجيبها كانت تاخذ بالأيام ما افتحها و إذا فتحتها اديها اختي وﻻ ارميها بصراحه شعور غريب تجاهه
المهم بنت خالتي قدي لما عرفت انو فﻻن خطبني قالت لي اصﻻ هو ما اخذك إلا ﻻن شعرك طويل هي مو مخطوبه بعدين تقول اخوي يقول يعرف فضايح عن فﻻن اللي هو خطيبي لو يقولها ما عاد يدخل الحاره
هذا كوووم و اختها اللي اصغر منها بسنتين كوم تخيلو فوجهي قالت لي انا اكرهك ﻻنك اخذتيه وطول الليل وانا قايمه ادعي عليك ربي ما يوفقك..تخيلي احد يقولها فوجهك؟؟ انا انصصصدمت
كانت تحاول تتقرب من اهله وتلصق فيهم افتكر مرا قالت لي يااحرام ركبت سيارته قدامك راحت معاه ومع اخوها وبنت عمها للسوق المهم راحت معاه ؟؟!!

تخيلو حتى جدتي زعلت تقول المفروض ياخذ من بنات فﻻنه اللي هي خالتي ﻻنو اقرب لهم بس مدري ايش جابهم لكم

هذا كلو وانا اتجاااهل وطنش و اقول بسم الله منهم
وكل ما جابو طاري الزواج انهار ابككي عند امي و ابوي انو يأجلو سنه كانو يحزنو علي و يوافقو
على الشهور الأخيره ما ادري ايش جاني بصراحه صرت اكررره كرره مو طبيعي اشوفو شيطان اشوفو شيء اسود ما اشوفو زي الرجال كنت اخاف منه حتى لما يجيبو طاري اسمه او طاري الزواج ارجف....بعد هذا كلو فسخت الخطوبه
و فنفس اليوم الي فسختها الله ﻻ يوريكم دعاء امي علي تدعي بأعلى صوتها الله ﻻ يوفقك الله ﻻ يوفقك
فنفس اليوم لما نمت تحلمت حلم و تكرر ثلاثه ايام ورى بعض نفس الحلم...احس لو عﻻقه باللي سار لي
بعد فتره خالتي فالواتس تقولي البنت اللي ما تبي تتزوج فيها شيء؟؟؟>>هذا مو قذف يا ناس حبسي الله ونعم الوكيل
بعدين تقولي ان شاءالله القطار ما يفوتك>> طيب انا عمري 19 !
ومرا كنا عند خالتي تكلم بصوت عالي تقول البنت اللي تفسخ خطوبتها حرام عليها تعلق الولد فيها وكﻻم كثيرررر قصدها علي انا ..ما تدري ليش فسختها انا عساها فبناتها والدنيا دواره

نجي لكلام جدتي ااااه يااارب ححححسبي الله وكفى
كل ما نروح لها احنا فمنطقه ثانيه تقول هاه عسى جاكم احد لبنتك الكبيره
كل مرا كل مرا تقولها كأني جالسه على راسها اخر مرا قالتها وامي شايفه قد ايش هي مضايقتني قلت لها شكلي جالسه على راسك وﻻ شايله همي قالت مالي شغل فيك قلت لها ايوا واضح ما شاءالله
ومن بعدها معاد تسألني بس لما خطبني ولد خالتي قالت لأختي تحسينها بتوافق وﻻ ﻻ؟؟؟!!!!
كمان قالت البنت اللي ما تتزوج يعني فيها بلاء فيها شيء؟؟!!>>> حسبي الله عدد ما كان وعددما يكون و عدد الحركات و السكون بالله بالله هذا مو قذف هذا مو شرف ياااناسسسس إلا الشرررف شيء يطعن فالقلب شيء يقتل قذف المؤمنات المحصنات والله ما اسسسسامحهم ليوم الدين احس لو اموت ما انسى كلمتها اثرت فنفسيتي قتلتني

بنت خالتي اللي قدي انخطبت و قبل زواجها بأسبوع رحنا لجدتي و تقولي جدتي ايش فيك شكلك مكتأبه و متضايقه؟؟! والله كان شكلي عاادي وكنت مهتمه بنفسي قبل الزواج و ببشرتي و قققد ما اخاول لما نروح عندها ابين انو عاادي ما همني ما وقفت الدنيا عليه ابينةلها اني قويه ؟! بس ايش قصدها بالله

خطبني ولد خالتي ورفضت...طووول عمري و هم يسبو الولد و يضحكو عليه حتى امه و اخته و اخوانه الصغار على شخصيته و اسلوبه و دﻻخته اخذينو نكته كذا و ابوي ما كان عاجبو بس امي طايره فيه ﻻن وظيفته توووب و راتبه محترررم بس هذا الشيء الزين ..طيب انا ابتزوج الولد مو متزوجه فلوسه
من بعدها تعايرني بالعانس و دايم تقول لأبوي بنتك بتجلس فوجهك بنوديها لشيخ يقرأ عليها؟!
بنت خالتي اللي تزوجت اعرفها زين و اعرف ماضيهاااا كلووو و ايش سوت فيه ...بس ﻻزم نستر على المسلمين
الحين عندهم هي التوب هي الحرمه السنعه هي اللي ما شاءالله
و خالي يقول فﻻنه ما تبي تتزوج من قله الأدب..قصدو علي انا ؟؟!>> حسبي الله ونعم الوكيل

و لما رفضت ولد خالتي امي اتصلت على خالتي الثانيه زززي قناه العربيه امي تقولها امه داعيه له اللي رفضته احسن له ربي فكه منها؟؟!!
وامي دايم تقول عند جدتي اصلا مدري ايش تبغى؟! محد عاجبها؟! تبغى واحد يقومها بكف و يقعدعا بكف؟؟!!!
ومرا رحنا لزواج قالت لي امي وانا اتصلح انتي على بالك الناس بتطالع فيك وﻻ بتتفرج فيك!!!


والله مدري ايش اقول ياااناس انا تعبت والله والله شوهو سمعتي عند الناس عند خلق الله انا مساااالمه ورايحه من حالي لحالي محترمه نفسي بس للحين ما جاني الشخص المناسب كل اللي تقدمو لي احس ما ارتاح لهم مدري كيف اوصف شعوري بس والله انا مو متشرطه بشيء ما ابيه بوظيفه معينه ما ابيه بشكل معين ما ابي مستواه التعليمي معين بس للحين ما جاء الشخص اللي ارتاح له واكمل باقي حياتي معاه انا مو عارفه الناس ليش صارت كذا ما تحس ما عندها دم حححححسبي الله ونعم الوكيل بس انا واثقه من ربي وااثقه ان الدنيا دواره وانا الحمدلله اخاف ربي فككل شيء محافظه على قيام الليل مخافظه على الأستغفار و الذكر حتى فلبسي احب اللبس محتشم ما احب اسمع اغاني بعكس اغلب بنات جماعتنا بالله يعني عشاني كذا يسوون فيني كذا ؟؟! بأختصااار كلام الناس مدري من فين يجيبوه....بس صدق كل اناء بما فيه ينضح

حسبي الله عدد ما كان وعدد ما يكون وعدد الحركات والسكون اللهم اشغلهم بنفسهم اللهم اشغلهم بنفسهم اللهم اشغلهم بنفسهم و بصحتهم ياااااارب انت حسبي ومن كنت حسبه فقد كفيته