السلام عليكم ورحمة الله وبركته
كيف حالكم بنات منتدانا الغالي
بقولكم سالفة استوت لي من شهرين
كنت يومها بالاربعين وما عندي شغالة فطلبت من ريلي انه ييب لي شغالة فقالي ريلي
انه بياخذ شغالة عمتي (ام ريلي ) لان عمتي دوم اتقول لنا لو تبوها اخذوها , فأنا بدوري
لازم اصلي صلاة الاستخارة وبحكم اني فالاربعين قلت بقول الدعاء من غير صلاة وكنت ادعي الدعاء بين
بين الاذان والاقامة ومن بعد الاستغفار , وبيوم من الايام كنت مواصلة لين الفجر لان بنتي الله يحفظها ما رقدت بسبب
الغازات يلست ادعي واستغفر واستغفر من قلب وقلت دعاء الاستخارة قبل وبين الاذان والاقامة لصلاة الفجر ونمت و
حلمت اني انا وسلفتي بيت ام زوجي وتقولي انتي ليش بتاخذين الشغالة هذي مب زينة وفيها وفيها وسمعتنا الشغالة
وعرفت اني انا كشفتها وفورا ضربتني وعضتني بكامل جسمي وقمت من المنام وانا متكسرة , فتصلت بمفتي لان
كان بوقتها ما عندي رقم مفسر احلام, فسألته هل هذا الحلم جواب للاستخارة قالي مادام انه جاء بعد الدعاء اتقع نعم
والله اعلم وهذي الشغالة لا ادخليها بيتك , بس المشكلة ان عمتي ام زوجي طلبت شغالة غيرها وما نقدر نتراجع و
زوجي قالي انتي شفتي منها شي (لان بيت ام زوجي يسكنون ملاصق لبيتنا وهذي الشغالة تنظف لي المطبخ
يوميا) قلته لا قالي خلاص احنا ناخها ولوما عيبج شي فيها انسفرها قلت خلاص .
ودخلت بيتنا وكنت وااايد اصلي فيها صلاة الاستخارة لان من الحلم احس اني ما عدت ارتاحلها وكل يوم اشوف منها
اشياء غريبة وتصرفات ما تعيبني كل يوم يا اتها اتفتش اغراضي ومرة من المرات لقيت قميص بنتي مقصوص
دوائر اصغار فانا اسير واسألها واحتشر عليها لو قالت ما تدري لانه شي غريب والله بحياتي ما استوى هالشي
ومرة شفت خياطة ايد بقميص بنتي الصغيرة وهذا القميص من محل راقي اشياء وااايد استوت غريبة وما ادري لاني
انا بطبعي دقيقة خبرت زوجي ما صدقني وبعدها خبرت عمتي وما صدقت لان الشغالة هذي كملت تقريبا عندها
سنتين فكيف انا اقول عنها بس بشهريين وقلت لها اني ابغي افتشها ودخلنا كل شي كان مقفول إلا كيس فتحته لقيت
شعر احجام بس منثر بالكيس وشباصات قديمة وخربانة مال بنتي ووشغاب فردة وحدة ما ادري مال بنتي ولا حد غير
محطاية داخل علبة بودرة وباليوم الثاني انا طحت مريضة مرض غرررررررررريب خووووووووووووف فظيع
فظيع من لا شي ضيقة فظيعة واحس ان حياتي خلاص انهدمت واني لازم اروح بيت اهلي واني لازم افطم بنتي
وتعب واعياء والله ما تتصورونه وما اقدر اوقف وما اقدر اشوف زين افتح عيوني مرة مرتين ثلاث عشان اشوف
وما كنت اقدر اكل والله الاكل كانه حصى عقلي ما كان موجود كاني بغيبوبة ما قدرة اسيطر على عمري
لمدة اسبوع ولله الحمد وولين الان عندي آثار متبقية شك فظيع بموت منه بزوجي انه متزوج علي لدرجة اني انا
متاكدة انه معرس علي بدون سبب من خمس سنوات معرسة بحياتي ما شكيت فيه وشي ثاني صلاتي وديني ما
قادرة احافظ عليه بوقتها بخشوعها مرات اكون اوكيه ومرات لا فيني وسواس قووي ...
وبعدها اتصلت بمفسر احلاااام قالي ان معنى الحلم الاولي هو ان داخل علي شيطان وشو معناته وشو تفسير الي
استوى لي حد يقدر يفسر كل شي؟؟؟؟
رووعى @rooaa_2
عضوة
يلزم عليك تسجيل الدخول أولًا لكتابة تعليق.
لا حول ولا قوة الا بالله
عليك بالرقيا يااختي وانتبهي لاتسفرين الشغاله الا اذا تأكدتو انها ماسحرتكم
الله يشفيك
عليك بالرقيا يااختي وانتبهي لاتسفرين الشغاله الا اذا تأكدتو انها ماسحرتكم
الله يشفيك
الصفحة الأخيرة
للرفع