فسروا ترك خطيبي لي<مكرر في الاجتماعيه

السلام عليكم ورحمة الله وبركاته

كل عام وانتم بخير

انا احس بكتمه واحس بضيقه فضيعه الله يفرج همنا ويسر امرنا

المهم يابنات انا بقولكم قصة خطوبتي اللي انتهت وقتلت كل فرحه فيني ومن دون ذنب او سبب مني

كلم اخوي وانهى الموضوع والله ثم والله لا اعلم السبب الحقيقي وكاني بضاعه ردت


المهم انا فتاه في نهاية العشرين جامعيه الحمد لله دين واخلاق ومافيني شي ينقصني والحمد لله

المهم قبل 9 شهور بظبط تقدم لي اخو زوجة اخوي ما تتخيلون قد ايش فرحة طرت من الفرحه قلت جاء الفرج ودعت الاحزان عشت اجمل اللحظات كانت تكلمني عنه وعن صفاته ودينه واخلاقه زاد تعلقي فيه اكثر

هو بصراحه صفاته شاب اصغر مني بثلاث سنوات معه الابتدائي راتبه الفين وخمسميه بس والله كان كل همي انه ملتزم لحظوا انه ملتزم يعني مقصر الثوب وملتحي بس القلب مايعلم فيه الا الله وافقت على طول بدون اي تفكير هوبعيد عن منطقتنا يوم جاء نفس المنطقه راح عند خالته وجللس 5 ايام بعدين جاء وخطب يعني برود مع انه ماكان عنده عذر انه يجلس ذا المده بعدين يجاينا من غبائي كانت اخته تكلمه قدامي تقوله تعال على الاقل سلم علي يقول بعدين يعني ماهو متحمس كان على عيوني غشاوه كان همي انه يجي عندنا وبس مافكرت بشي ثاني

طبعا عزمه ابوي وحضر السيد اليوم ثاني خطب لوحده لاحظوا حتى اخوه قال ما بجي الا يوم الملكه يعني كانه ماهو واثق في اخوه لاني مره سمعت اخته تكلم اخوه الكبير يقوله هو يبيها اكيد قالت ايه

المهم صارت النظره وبعدها قال بستخير عندكم في مجلس الرجال واستخار قال موافق

وبدوا يتفقون على كل شي ابوي نزل له من المهر عشره الاف من طيبة ابوي وقاله خلاص انا بساعدك في الزواج

حتى قاله ابوي اذا ملكت ادفع بس الاف واملك لك يعني قدرناه هو اهانا قال لاخته انا مرررره ارتحت لها ومره اعحبتني وحلوه وكذا موقف صار بين فيه انه مقتنع حتى مدحني عند ولد خالته

انتظرت يحدد الملكه بس ولا حس ولا خبر سافرت تمشيت ورجعت وجاني الخبر كصاعقه

قال ابوي يابنتي الرجال يقول ماله رغبه في العرس واحنا مخطوبين لنا اربع شهور وانتشر خبري عند النا بكيت لا شعوريا عند ابوي حتى عند اخته بكيت بس كان غصب عني لان كلام الناس مايرحم وقد صارت لي خطوبه قبل كذا وانتشرت وتفركش الموضوع

المهم قمت ادعي عليه قدام اخته وقلت لها قولي لاخوك حسبي الله عليه والله لايسامحه:icon33::icon33:

طبعا ماسلمت من كلام الناس حتى اخته زعلت منه وامه بس ما اقدر احد

وبعد فتره قالت لي وحده ترى هو قد خطب قبلك ثنتين وسحب عليهم طبعا هذه الانسانه ثقه

جلس فتره مقاطع اخته لان اخته قاطعته واخته عايشه معنا في نفس البيت وهذا اللي يقهر ان اخباره ماتنقطع

بعد فترة خمسه شهور تسامح مع اخته وصار يكلمها على الثابت يعني اذا يبها ما يتصل على جوالها يتصل على الثابت
يعني فيها احراج علي يعني كم مره اتصل على الثابت حتى مره كان جوالها بجنبها بس اتصل على الثابت ومرتين انا ارد مدري انه هو بس الحين عرفت رقمه حتى وحده قريبه له قالت خسرت جوهره قال ادري اني غلطان حتى يكلمونه يسالونه ليه سوا كذا منزل راسه يقول نصيب حتى سال اخته وقال وش شعور البنت يوم تركتها



ومره اتصل على ابوي عشان يتوسط لشخص من جماعته مع انه عنده معارف واقارب في منطقتنا ابوي على نياته خدمه مره كان في نفس منطقتنا واحنا ماندري الايوم ندفن قريب لنا وجاء وحضر الدفن شين قوي عين ما كانه سوا شي

حتى قاموا عليه اقاربه واهله كيف يسوي كذا تخيلوا كنت اكلم امه بين فتره واسلم عليها واكلم خواتها

حتى مسميه انه الغاليه كنت احضر عزايمهم احترام له واظغط على نفسي واروح تقدير له

وفي النهايه سحب عليه بدون سبب

حسبي الله عليه ونعم الوكيل الله ينصرني عليه


احين انا بنجن من التفكير ابي تفير لحركته وش تتوقعون سوا كذا تتوقعون ندم