فسروا لي تصرفات هالبنت

السلام عليكم
مبارك عليكم ماتبقى من الشهر
بنات مدري وش افسر هالتصرفات او هالشيء ابغاكم انتم تفهموني اللي انا عجزت افهمه
من ثلاث سنين تقريبا فيه بنت من البنات اللي انا دائما اجلس معاهن وهي كمان تحب وتفرح بشوفتي
لكن اذا شافت علي شيء جديد ع طوووول اول سؤال من وين اشتريتيه.. الله حلوووو موه عجبني .. ليش ماجبتيلي مثله..؟؟
اجاوبها ع كل سؤال واذا وصلت عند السؤال ليه ماجبتي لي مثله اتنح واسكت.. لان والله يابنات انا ماعندي راتب ولا موظفه وحتى حافز ماينزل لي
المهم قبل كم يوم رحت لها .. وشافت شنطتي .. ونهبلت عليها مره ونفس الاسئله اللي فوق كتبتها لكم عادتها علي وجاوبتها.. المهم قالت ابغى مثلها قلت ابشري بجيب لك وطلبت أشياء معها ....قلت لها ان شاء الله
وقامت وطلعت من الغرفه ورجعت وقالت الله ريحة عطرك حلوة وش اسمه قلت لها هذا نفس اللي ااهديتلك مثله من فتره شكلك ماجربتيه..قالت اهاه وسكتنا..
المهم طلعت من عندها ومارحت السوق لاني تعبانه ودخلت المستشفى اتصلت علي تسأل عن الأغراض جبتها لها قلت لها الله مارحت السوق لاني تعبت وهي تعرف اني تعبت
قالت اجل ابغى شنططططتك وانتي اشتري مثلها..قلت ابشري..وصت اختها تجيبها من عندي .. وانا قلت برسل ولدي فيها لها ماحبيت اعطيها اختها
واليوم وهي ترسل علي صوري لي الشنطه وارسليها .. قلت الحين برسلها لك مع ولدي...وانصحوني وش اسوي
والحمد لله رب العالمين