فسرولي حالة بنتي مع الزبادي

السلام عليكم ورحمة الله وبركاته






مدري وين المشكله

بنتي عمرها سنتين تمام
وتموت بالزبادي واللبن والأشياء الحامضه والزيتون الأخضر
المهم مالكم بطويله
أكل ماتاكل ولاتحب انوعلها تعبت معها احيان يمر اليوم كله ماتاكل شي وانا مانعتها عن الزبادي احن عليها واعطيها
مشكلتها بس تاكل الزبادي ينتفخ بطنها بشكل ملحوض لدرجة بنطلونها اللي لابسته قبل الزبادي يضيق عليها وافتحه لها
غيرتلها زبادي نوع ثاني مانفع نفس الحركه احاول اعطيها نص العلبه واحط لها رز مسلوق عليه نفس الحركه انتفاخ
اصلا صارت شقاويه وماتاكل الا وجبه وحده فاليوم واحيان ترفض الأكل وقلبي يعورني عليها ادخلها معي المطبخ اخليها تحوس معي عشا تتشجع وتاكل ومافيه فايده لاعابه ماتاكل
اشتريتلها صحون الوان وملاعق تختار واحطلها اكل فيه تأكلني اكلها او تأكل ابوها وترفض تاكل
سؤالي
وش السر اللي يخلي بطن بنتي ينتفخ بعد الزبادي او اللبن علما انها طول اليوم ماتاكل شي بس هالوجبه وينتفخ
اسم الله عليها كل من شافها يقول خففي لها اكل هي جسمها حلو بس مايل للنحف هالأيام
ؤش السواة
عجزت امنعها من الزبادي لو راحت السوبر مع ابوها عشان تختار شي تروح للزبادي