فسرولي حالتي الغريبه

اهلا عضوات منتدى حواء
بطرح مشكلتي ربما الاقي لها تفسير او فيه منكم من هي مفسرة احلام لاني تعبت من التواصل مع مفسرين ولا القى جواب بعضهم يقرا حلمي ولايفسره
مشكلتي:
انا لي قريبه بيني وبينها عداوه لااعرف سببها تكرهني وتكن لي العداوه الشديده وهذا واضح بتصرفاتها ماهي حركات حريم من غمز ولمز لا
عداوه حقيقيه
بقولكم الاشياء الغريبه:
المراه هذي من سنوات ماتروح عن بالي بشكل انا استغربه
المراه هذي ماتكلمني من سنوات فأتصلت علي وقالت انها بتزورني
المراه ماتكلمني وتكرهني وش تبغى تزورني !!!!!
قلت ربما ان الي في نفسها راح مع اني ماادري ايش بنفسها وليش هالعداوه ،قلت حياك واستقبلتها بحفاوه
جتني هي وامها وخالتها وكانت جدا فرحانه مو لانها زايرتني لا مااعرف ليش
تصرفاتها متناقضه
جايبه اكل وهدايا كثيره ومن ضمنها ساعه للبيت ومنظر وزوليه غيره واشياء ثانيه
من دخلتها وهي تمشي بالبيت وتصور وترسل وتضحك تكلم وحده مدري مين واضح من حركاتها انها تتمهزا
الى الان الوضع عادي لان اساسا هذي حركاتها
الشي الغريب جيتها والهدايا ولا الحقد ماهو غريب
طلعت من بيتي
بعد اربع ثلاث ايام تقريبا صرت احس جسمي ثقيل ونفسيتي تعبانه انا للمعلوميه من زمان تعبانه ضرتني وحده اعرفها من سنوات
لكن الاعراض هذي جديده قلت ممكن هزل تعب نقص فيتامين
مضت الايام ومرضت مرررررررض شديد مابيني وبين الموت شي
المرض جاء بالتدريج ومازلت الى الان اعاني من اعراضه

صرت اذا رقيت نفسي اشوف المراه هذي ببيتي!!!!!!
مره شفتها حامل وبوسط بيتي
ومره شفتها بغرفة ولدي واقفه ونافشه ملابسها بدورة المياه وكانت ملابس مبلوله غامقه
وانا اتسال كيف هي ببيتي وانا ماشفتها !!!!
لما اشوف هالاحلام اقول من ابليس واضغاث احلام
لما اشد بالرقيه اشوف رجال ماسكينها ويحقنون بجسمها ابر زي ابرة المستشفى فيها محلول!!!!!
اليوم رقيت نفسي برقيه قويه والله اني نايمه ولا فكرت فيها لان مع الاذكار صارت تخف عن بالي
شفتها جالسه بحوشي على كرسي والبيت ينصب من فوقه سحر بعدين صبيتلها مشروب وعطيته اياها
وقبل الحلم اقول ماابغى اسوي فيها شي هذي حقوده اخاف منها
جيتها الغريبه حقدها الشديد مرضي احلامي فيها
هل هو شي طبيعي ؟؟؟
معقوله تكون هي سبب ضرري
انا نعم مسحوره ومتاكده من هالشي لكن مو منها من غيرها
نعم حقوده وقاسية قلبها مافيه ذرة رحمه ولااحساس بس هل معقوله تضرني !!!
مع تكرر الاحلام بديت اشك