فسرولي نحف الشغالة اللي راح يجنني

السلام عليكم

كيفكم يابنات حواء

ارتاح لما احط موضوع بهالمنتدى تفاعلكم يعجبني

عند اهلي شغالة ماشاء الله تبارك الرحمن جسمها غصن البان اللي يشوفها يقول رياضة ورجيم واكل صحي مستمر

والله يابنات بحكم اني اشوفها دائما واسأل أمي عنها فأعرف نوعية أكلها شوفو معاي

الموية ماتعرفها ولا تعرف طعمها تشرب ببسي على طوووووول لدرجة اني اقول لأمي قلتيلها انه يضر العظام تقول والله قلت لها وقلت لها بعد ترى ماارضاه لعيالي لكن مافي فايدة

الحلويات هي الأكلة المفضلة عندها بين الوجبات صحووون البقلاوة اللي تجي لأمي هدية ولأن أمي عندها سكر فتعطيها للشغالة وتجلس على الصحن الييين يخلص ومرة التهب عندها العصب وخلعت ضرس من كثر ادمانها على الحلى

الحليب تمللي الكاسة حليب بودر وتحط شوي موية ونسكافة وتكبسها سكررررر

الخبز في اليوم الاسرة كلها تاكل كيس صامولي الأسرة مكونة من سبع اشخاص وهي لوحدها تاكل كيس

هذا غير المعلبات طبعا ماتعرف السلطة ولا الخضار ابدااااا

لما نجتمع ونطلب من مطعم تطلب وجبه سوبر وتاكلها اضافة الى العشاء الأصلي

صار لها عند اهلي سنتين وكل مالها تزداد نحف وتراها ام يعني متزوجة ومخلفة

وشغل البيت عند اهلي نفسه انا اشتغله في بيتي لأن انا ماعندي شغالة وذااابحة نفسي رجيم واكل محسوب السعرات ومتابعة عند دكتورة وااااااه معاناة من الحرمان من الأكل وجسمي مو زيها

فسرولي يابنات قبل لا أنجن