ابقول شي من واقع حياتي

لما كنت صغيره ماتتعدا احلامي الطيحه من على الدرج أو أسوق سياره أو أشياء بسيطة جداً

لكن لو نتكلم عنها راح اعطيك بالتفصيل إذن وش المعنى إني محتفظه فيها ببالي لهالوقت !!


انا بنظري ذي لحكمه وحده سبحانه يعلم بها وربما تكون أغلبها حديث النفس

بحكم صغر السن ورغبة الطفل أحياناً بامور كثيره تحصل له من خلال الحلم

تقريباً لي سنتين أحلم بإستمرار

يعني جلست قرابة الست الشهور الأخيره مايمر يوم ماأحلم !!

أنا أسترجعت بذهني للوراء وجلست أتفكر ليه خلال الست الشهور الأخيره أحلامي زادت

الجواب بسيط لأني كنت أقرا قرآن كثير وأمر بأزمه معينه وكنت أطلب الله الحل من هذه الأزمه

لربما كنت أحس إن الحل راح ييجيني من خلال حلم

فـ تمسكت بكل حلم ... ولربما العكس الحلم الي صار يتمسك فيني وصار يتكرر أكثر من مره

رغبة إني أسعى لتفسيره

والحقيقه إنه كثير من الأحلام تحدث .. تختلف في مدتها من حلم لآخر

لكن يجي وقت ويصير حدث معين وأتذكر إني قد فسرت الحلم وأشار إلى هذا الحدث


للمعلومية من سنتين حلمت حلم غريب

من خلاله عرفت إن جدتي راح تتوفى

تقريباً قبل وفاتها بست شهور


وحوادث آخرى يمكن ماراح تكفيني صفحات الموضوع لكتابتها

لكن مااقدر إلا إني أحمد رب العالمين على نعمه

اللهم لك الحمد حتى يرضى وجهك اللهم لك الحمد كما ينبغي لجلال وجهك وعظيم سلطانك

وصدقني لو أحلامك الي تحلمها راح تفيدك أو راح تدلك أو ترشدك لشيء معين في صالحك أو ضدك

لأراد الله ذلك وأحتفظت فيها ... لكنك تنساها لحكمه يعلمها الله وإنها ماراح تفيدك لو احتفظت فيها

فلذلك تنساها : )

حياك اخوى بس للمعلومية مب كل الحريم كذا وبعدين قراءة الفنجان والكف هذا محرمه للى مايعرف وصح فيه حريم كثير يسوونها بس لاتعمم اخوى لان تفسير الاحلام سواء بالنسبة لى او للى اعرفهم ماهو ذاك الامنية اللى لازم تتحق بس عاد للامانه فيه احلام حلوة احيانا يشتهى الواحد تفسيرها لتواكب شئ في النفس وفيه احلام اعوذ بالله منها تسبب القلق
وخصوصا اللى حامل او مابعد تزوجت والسلام عليكم
ترا على بالى فيه تفسير احلام قلت وش هالرابط السحرى اللى حاطينو لعب على العنوان خخخخخخ

الاخ ريح الاماكن هذا شي انفطر عليه معظم النساء الله يهديهم وان دل على شيء دل على الخوف والجزع وطبعا الخوف من اللي جاي
اما بالنسبه لزوجة صديقك ليش ماياخذها من جانب اخر
وهو اانها تحبه وتغار عليه وعلشان كذا خافت من التفسير علشان كذى كان لازم يطمنها ويحسسها بحبه اكثر اكيد هو مقصر ومو منتبه

أنا بالنسبة لي لأفسر إلا الحلم الذي يتكرر علي كثيرا وماتصدق لو أقول لك حلم كنت أحلمه من يوم وأنا بالإبتدائي إلي هذا اليوم يتكرر بين الحينة والأخري علما بأني متخرجة من الكلية لي 4 سنوات وأمر بظروف غريبة في حياتي ومشاكلصحية لم يجد لها الطب الحديث ولا الشعبي ولا المشايخ تفسير ومع ذلك خايفة أفسره

الأخت.. !! اميرة كلمتي !!
شكرا لمرورك واظني آخر شي بموضوعي هذا اطلع افسر احلام
*******************
الأخت .. nmnm21
اشكر مرورك .. وبصراحة مافيه مقارنة بين السببين الا كان اللقافة
******************
الأخت كحيلة
اولا احلامك وانت صغيرة ماهي بسهلة ههههههه
ثانيا .. كلامك صح الأحلام ممكن تكون اشارة لشي معين .. ممكن تكون تنبيه من الله .. بس نرجع لموضوعنا الأساسي ارى ان النساء تهتم اكثر وهذا ربما لقوة حدسها او الخوف من شيء او الفضول
لكن عندي تحليل للحلم
هالحين انا احلم احلام مخربطه زي اي واحد .. احلام مرعبة ومدري وين اولها ووين آخرها وفيها تداخل غريب وبعد تكرار عرفت السبب ( لاتضحكين علي ) وطبقيها على نفسك
انا اذا نمت ومت من الحر يعني كنت متغطي واجد او المكيف مااشتغل تجيني هالأحلام .. فيه رابط بين الحران وهو نايم وبين الأحلام المخربطه هذي <<<<< قال يفسر احلام
وبعد كلامك قمت اذكر وش هي احلامي ( ويوم فتشت فيها لقيت بعذري مااتذكرها )
يامتهاوش مع احد .. يااني اركض اركض وماادري ليه اركض .. يااني مسجل هدف بفريقي المفضل
احلام تغث فأحسن شي مااتذكرها واعيش واقعي والا لا