السلام عليكم
كيفكم
انا عندي موضوع شاغل حياتي وتفكيري ومنغص سعادتي
الا وهو سلفتي
انا متزوجه من ست سنوات وعندي بنت ولد
اول ما تزوجت سكنت في شقه لوحدي لاني شارطه في العقد بيت عدال والان زوجي يمر في ضائقه ماليه وقام ابوي وعطاني شقه من عمارته لي انا وزوجي نسكن فيها الين نعمر ببلاش بس زوجي مو راضي ويقول لازم ادفع اجار زيي زي الناس يعني لو نص اجار الله يخلي لي ابوي
المهم اهل زوجي ساكنين بيت مو بعيد عنا
وتحت ام زوجي وجدته واخته والشغاله
وفوق اخو زوجي سكن بغرفه هو وزوجته وشوي شوي عمر شقه فوق اهله تجنن
وزجه اخوه هذي من يوم اتزوجت وهي شابه علي كني ماخذه زوجها وربي يشهد
ومواقفي معها لاتعد ولا تحصى
وهل زوجي كلهم دارين وشايفين كل شي وعارفين اني ما اغلط على احد ولا يصدقون علي شي ابد الا بنات حماتي احسهم مو ذاك الزود بس ما همني اهم شي امه وخواته احبهم ويحبوني
بكحي لكم اول موقف
قبل لا اجيب عيالي
حطني زوجي عندهم وقالي شوفي فيه ثوب نزلته قبل شوي عند امي فيه ميه ريال جيبيها هي والثوب معك
واروح واخذ الميه واجي عند حماتي في المطبخ وسلفتي كانت واقفه واطالع في حماتي واقول شوفي لقيت ميه ريال طايحه باخذها وحماتي تمزح وتقول لا هذي لي اعطيني قلت لا
قالت سلفتي رجعيها لاتسرقينها وتناظر فيه من تحت لفوق
طالعت وسكتت
يوم سالت حماتي وشفيها قال طنشي
المهم وتمر ايام لما اجي ما تسلم علي وتجلس وتعطيني ظهرها تخياو والمجلس مليان
وتترق على كلامي وتنقهر لما تشوف شي معي جديد
وهي زوجها مو مقصر معها بشي بس هي ما تعرف تتشيك
وتجي وتقول لام زوجي كلام على لساني ان احش فيهم وام زوجي تقولي انا عارفه انك ما تقولي كذا اتركيها صح
وتقول كلام على لساني لبنات حماتي ويجون ويقولون لي ليش قلتي كذا واحلف انها هي الي قالت كذا فيهم وتقلبها علي اني انا قلتها وهي كذا
يعني تجي تحش باحد قدامي وتقول سوت وقالت وتروح للوحده ذي وتقول نفس الكلام الي قالته على لساني اني قلته لنفس الشخص الي سبت فيه انتمنى فهمتوا
وغير كذا مره زوجها سافر وحماتي سافرت وما كان عندهم شغاله يوم جيت ام زوجي قالت لي انه ما تعشيت
ولا اكلت شي لانها ماتطبخ وتقول مسويه رجييم والايام السابقه حماتي تطبخ وينزلون وياكلون ونادرا ما تطبخ
اما انا ما تجيني ام زوجي لان بيتي في الدور الثاني وام زوجي حرمه كبيره وتعبانه
فاطبخ كل شي واخذه معي
حتى برمضان اجيب فطوري معي
بس حماتي طيوبه تقول لاتجيبين شي انا اسوي كثير
وهي اذا جيت كاني اجي في بيتها تتافف وتقط كلام وانا تمر سنين
ما اشوف بيتها
المهم رمضان الي فات صارت مشكله وما قلت لاحد اكتشفت انه تسرق فلوسي وسكتت علشان ما سوي مشاكل
وانا متاكده مليون بالميه انها هي لانه تفتش شنطتي واطيح عليا دايم كذا وقبل اسبوع حماتي اكتشفت مسروق لها فلوس وهي فجاة يجي معها فلوس تقول من اختي
وهذ رابط موضوعي قبل http://forum.hawaaworld.com/showthread.php?t=2604288
وتحول تخرب يني وبين زوجي وتتريق على كل شي لي
لو يشتري لي زوجي جوال تجلس تتكلم اني مشيته على كيفي و تروح
تخرب جوالها علشان يشتري لها زوجها جوال طيب انا ضرتك علشان تغيرين
والمشكله حتى بنات حماتي تسوي معهم كذا
والدهى والامر والي منكد علي هو انها عندها بنات في عمر بنتي وبنتي تموت عليهم وتروح تلعب معهم تقوم تطردها وتجلس بنتي تبكي وهي صغيره ماتفهم لها 5 سنوات
وبنت حماتي مثل لما تطلع تقولها انقلعي نا قصتكم بعد وتضرب ولدي الصغير وبنت حماتي تقولي هي بثالث ابتدائي
واليوم بنتي راحت مع ابوها يم جدتها تروح تطق بابهم تبغى البنات وتقوم سلفتي وتصارخ عليها وتقول انقلعي عنا ما نبيك وبنتي جات لي مكسور خا طرها
تقول انا احب بنات عمي مره بس امهم لا ما احبها تخاصمني
طيب تقول للصغير انزل روح ماما مو انقلع
وحتى يوم ابوي اعطاني البيت قالت احنا بينتا ملك مو شحاده يعني زوجي شحاد
اهل زوجي ما يقولون لزوجها عن افعالها علشان ما تروح لاهلها وتخلي عيالها
بس انا موذبي تبهذلني
والله ساكته علشان الناس الي اعزهم
والله شاهد ان كل الكلام الي قلته صح
واني ما عمري غلطت عليها الي عندها رد حلو تجبيه
والي يتتفلسف تضغط على الخلف
دنياي حلوه @dnyay_hloh
محررة
يلزم عليك تسجيل الدخول أولًا لكتابة تعليق.
ياقلبي ..لايضيق خاطرك عشانها هي مرتاحه وأنتي تاكلين في عمرك .. الخسران يقطع المصران ..إسفههيها ولا كأنها موجوده .. السلفة مصايبها ماتخلص تدرين ليش ؟؟ الغيره تهدم ديره ..وإسألي مجربه أنا متزوجه من 14 سنه وكنت مرتاحه مع أهل زوجي إلين تزوجوا أخوان زوجي وبدأت المشاكل لكن أنا ماأعبرهم ولاأضايق نفسي عشانهم إذا شفت الوحده زعلانه أعطيها قفاي ولاكأنها موجوده .. وفي النهايه .. ياحبيبتي النيه مطيه والوحده تعمل بأصلها ويعطيها ربها على قد نيتها خذي هالكلام قاعده وثقي إن ربي بينصفك عليها عاجلا غير آجل .. الله ييسر لك ياقلبي ويعينك وينصرك ياااااارب ..ياقلبي ..لايضيق خاطرك عشانها هي مرتاحه وأنتي تاكلين في عمرك .. الخسران يقطع المصران ..إسفههيها...
الله يجزاك خير ويوسع لك
ريحني كلامك
ريحني كلامك
ŁẴẐĮŹล
•
ياعمري طنشيها ولو منك ما اهرج معاها ابد اذا سألت ارد ع قد سؤالها ولا اخذ واعطي معها كذا بتطفش
الله يعينك عليها
الله يعينك عليها
والله انا طنشتها والمكان الي تجلس فيه اقوم عنه
بس هي حاطه الحره بعيالي مالهم ذنب
انا احب عيالها وما اقول لهم شي لانهم اطفال وش دخلهم وهي حاطه الحره بنتي
بس هي حاطه الحره بعيالي مالهم ذنب
انا احب عيالها وما اقول لهم شي لانهم اطفال وش دخلهم وهي حاطه الحره بنتي
الصفحة الأخيرة
الخسران يقطع المصران ..إسفههيها ولا كأنها موجوده ..
السلفة مصايبها ماتخلص تدرين ليش ؟؟ الغيره تهدم ديره ..وإسألي مجربه أنا متزوجه من 14 سنه وكنت مرتاحه مع أهل زوجي إلين تزوجوا أخوان زوجي وبدأت المشاكل لكن أنا ماأعبرهم ولاأضايق نفسي عشانهم إذا شفت الوحده زعلانه أعطيها قفاي ولاكأنها موجوده ..
وفي النهايه .. ياحبيبتي النيه مطيه والوحده تعمل بأصلها ويعطيها ربها على قد نيتها خذي هالكلام قاعده وثقي إن ربي بينصفك عليها عاجلا غير آجل ..
الله ييسر لك ياقلبي ويعينك وينصرك ياااااارب ..