فشة وغصة من القلب

مرحبا صبايا كيفكون ان شاء الله تكونوا بالف خير صبايا انا مضغوطة ودايق خلقي كتير ومخنوقة قاعدة بغربة متلي متل كتير صبايا بس لا طلعة ولا فوتة صرلي 4 سنين محبوسة بالبيت والمشاوير اللي طلعتها بينعدو عالاصابع صاير معي حالة نفسية ومخنوقة لدرجة انو متمنية الموت جوزي كويس مافي متلو وازا سالتوني شو ناقصك بقلكون ما ناقصني شي بالبيت بس ناقصني شوف الدنيا شوي وشوف العالم جوزي ما بخليني احكي غير مع اهلي وما بخلي حدا يجي لعندي ولا روح لعند حدا لا على جيران ولا رفقة اصلن ما بعرف حدا مافي غير هون عمتو لجوزي بس جوزي ما بحب يشوف حدا وازا اجا لعنا حدا بطفشو بوجهو واسلوبو مع الضيف بصراحة ملييييت كتيير عندي صبي وبنت الله يحميهون بس بضلو بيتقاتلو مع بعضون من ضيقة خلقون وهلق حامل بالشهر الرابع ونفسيتي تعبانة وصرلي اسبوع متقاتلة مع جوزي لاسباب تافهة بالنسبة لالي بس انتو ما بعرف كيف بتشوفوها كنا عم نتناقش قمت عطيتو رائي بالموضوع لجوزي قام ما عجبو كلامي قام قلي انتي عقلك وعرقك حيوان وما بتفهمي قلتلو ما بسمحلك تكبر معي بالحكي انتي اللي هيك عقلك وعرقك ومن كلمة لكلمة تقاتلنا ووعدني من هداك اليوم انو يعيشني اسوا عيشة وفعلا هيك عم يساوي عم يعاملني بقساوة كتير لدرجة انو عيوني نشفت من البكة للعلم هو كتير غلط معي وعلى اهلي وسكتلو وحبست جواتي بهل الاربع سنوات وبس مدري كيف جاوبتو بهداك اليوم حسيت حالة قوية وبدي فش قلبي فيه بجوز لاني سكتلو كتير وحبست جواتي وبجوز لاني مضغوطة من الغربة ودائما بقول انا ما بغلط وطبعا مافي انسان معصوم عن الغلط كلياتنا منغلط وانا بقول انو غلطت معو لما جاوبتو بس ولله مضغوطة رح طق دائما لما كنا نتقاتل انا اللي اعتزر حتى لو كان هو غلطان بس هالمرة مصرة اني ما اعتزر لانو حاسة انو اخدت حقي بايدي ويمكن عم اضحك على حالي قلي من يومين انتي انتهيتي بالنسبة لالي وصرتي متلك متل الطاولة بالبيت حتى الطاولة احسن منك وبتخدمي الولاد وبس عليي ما بتقربي انا طاقة من هالوضع جوزي عند اعتقاد بحياتو انو المشاكل اللي بتصير بالدنيا او بين الزلمة والمرا دائما بتكون المرا هيي اللي غلطانة وهاد الشي غلط بئا شو بتنصحوني رح انفجر محبوسة بالدار متل السجن مع العلم كنا متل السمنة عالعسل المشاكل اللي صارت بيني وبينو بتصير بين اي زلمة ومرة ولله تعبانة كتير اسفة عالاطالة بس حبيت فش قلبي لانو حسيت حالي رح انفجر ازا بدكون ما تقولو شي بس بكفي ازا سمعتو صرخة قلبي