السلام عليكم ..
داخلة وانا زعلااااااااااااااااااااانة من بعض الحريم الله يهديهم اللي يكلمون الشيخ ويسالونه اسئلة خااااصة جدا - مدري كيف تجيهم الجراة صراحة انواع الاحراااج .. لدرجة اني استحي اسمع واضطر اقلب القناة اذا احد جالس حولي ..
يعني اللي كلمت تسال وتقول نزل معها "قطراااات" من الدم .. وهالدم رائحته مدري كيف قايله...ولونه مائل للفاتح وانا-ياشيخ- دروتي يوم كذا وكذا وهذي ياشيخ مدري وش هي لانها معها افرازات تميل للكدرة و.. و... و... وربي وربي كلام مخجل مخجل مخجل .. حسيت ان المذيع وهو جالس يكتب السؤال مايدري وش يكتب ووجهه تقلب مية لون ..
رجاء انا بقول كلمة لكل من توجه مثل هالاسئلة للشيوخ الرجال وتتعنى تتصل على الهواء مباشرة - بقولها كلمة عساها تفهمها :
عـــــــيـــــــــــــــــــــب
عيب عيب عيب اخجلي خجل الانثى وروحي اسالي المفتيات اللي وش كثرهم والا ماتثقين الا في كلام الرجال ؟؟؟؟؟
اسالي في النت عندك موقع يستفتونك وعندك الاسلام اليوم وعندك خدمة الفتوى من قناة دليل بكل خصوصية
اسالي طبيبتك يمكن يكون عندها علم شرعي بهالامور ..
اسالي الحريم اللي مثلك ويفهونك واللي ثقين في فقههم
واستعيني على ذلك بالسرية والحياء والخجل ..
والا مايعرف لهالامور الا الرجال ؟؟ وش دراهم بس فضحتونا قدامهم وقدام اقاربنا صاروا يعرفون اكثر منا ويعرفون حتى الفرق بين الصفرة والكدرة وعلامة الطهر ...:44:
ارجع اقولك:
عيب عيب عيب
واللي بتزعل تطق راسها باكبر جدار
بس نجلس على قهوة الصبح وودنا نسمع فتوى طيبة الا ووحده مدري وش صحاها جاية مجهزة قصة حياتها من الليل :
ياشيخ انا فيني الدورة ولونها غريب.. وش الحكم ؟؟؟
ياشيخ -الله يعافيك- وش الحكم اذا مشيت او تحركت كثير ونزلت دورتي بغير يومها ؟؟ اصلي والا انام؟؟الا نامي نامت عليك طوووفة
ياشيخ اذا كانت دورتي 5 ايام ثم "نزل مني"اليوم السادس نقاط لونها داكن ورائحتها كريهه ؟؟؟ هل اتسبح والا اتوضا ؟؟وهل ياشيخ احط عطر كود احد يشم فيني ريحة شينة .. شرايك ياشيخ؟؟
والا الطامة الكبرى اللي تجي تقول :
انا خلصت النفاس 40 يوم وفي اليوم ال41 نزل معي دم فاسد وفي هاليوم جامعني زوجي مرتين و.. و.. و..
يعني وش تبين الشيخ يقولك ؟؟؟ يجي يبارك لك المولود والا يكسر راسك على هالغباء ؟؟
وساعتها تقهوي قهوة الصبح مع انواااع القرف وزوجك او اخوك او ابوك جالس يطالع فيك ويتخيل اللي فيها فيك وربي لو طلع من البيت مالومه...:09:
ويمر اليوم .. ويجي وقت قهوة المغرب وانواع الحلى والقهوة ريحتها فايحة من ااااخر الشارع والبيت مليااان فواحات وانتي بكامل كشختك .. وتحطين قناة المجد عشان يكمل الجو الحلو .. ويبدا برنامج الفتاوي وتحطين يدك على قلبك لا تدق اللي دقت في الصباح وتعيد سؤالها وفجأة تحقق الكابوس وتحولت القعدة الى انواع القرف والسذاجة وزوجك او ابوك او اخوك المسكين انحرم هالحلا اللي حتى شكله خرب بعد اللي سمعه ... وراح "د.كيف" ابرك له ..
استغفر الله استغفر الله ....
اعذروني عصبت بس وربي من اللي اسمع بلاوي بلاوي مدري فين حياءها اللي تسالها للشيخ ؟؟:44:
انا للحين ما تجرات اكلم اسال في امور الحياة العادية خلوا بعد بقوله ياشيخ دورتي لونها فاتح ميلة للزهر "على الموضة" اصلي ياشيخ والا ما اصلي ؟؟؟؟؟؟؟؟مابقى الا تسالونه ياشيخ اي نوع استعمل اولويز والا فام والا سندرلا ؟؟؟وانام ياشيخ على ظهري والا على جنب ؟؟
يابنات ويا حريم ... احنا ربي كتب علينا هالشيء ابتلاء واختبار لحواء فقط وخصها فيه- فاسالن حوائيات مثلنا ومكتوب عليهم مثلنا ..
تحذير:
لا تجي وحده وتدخل عرررض وتقول لا حياء في الدين لا اسطرها الحين .. حنا ماقلنا موتي بمرضك ولا تعرفين الاحكام بالعكس اسالي عن كل شيء بخاطرك لكن بطريقة صح ..واختاري الناس الصح والله الله بالستر ..
دوروا بالنت وش كثر ارقام مفتيات ...يلقون محاضرات ويفتون وكل شيء وش زينهم..
او في اسوا الظروف اتصلي بالشيخ "الضعيف" بس مو على الهواء وقدام الصغير والكبير...والله يعينه عاد ماله الا يفتيك ...
اتمنى اني ما ازعجتكم وانا هنا ما اعمم بل والله اني اعرف حريم ماشاء الله عليهم سنعات يدبرون اعمارهم ويسالون من تحت لتحت ويسترون نفوسهم وشعارهم :
اذا بليتم فاستتروا ..
وانا سبق ونزلت موضوع "60 سؤال في الحيض والنفاس لابن عثيمين رحمه الله" وفيها تقريبا ثلاث ارباع اسئلة الحريم بس بعضكم الله يهديهم لا يدورون ولا يسالون ماعندهم الا برنامج الافتاء طيراااااااااان الوحده ماتصدق تجيها الدورة.. على الاقل ارحموا المذيع اللي يصير وجه علبة الوان :arb:
وهنا رابط الاسئلة:
http://forum.hawaaworld.com/showthread.php?t=2276653
وهذا رابط بيفيدك كثير :
http://forum.hawaaworld.com/showthread.php?t=2285749
ولا عاد اسمع وحده كلمت برنامج الافتاء تسال عن الدورة والنفاس . خلونا نتهنى قهوتنا . سمعتوا ؟؟ لاكتب اسمها واهزئها قدام الطابور واحرمها من درجة النشاط ..
والى اللقاء في تهزيئات ثانية
mim000 @mim000
محررة فضية
يلزم عليك تسجيل الدخول أولًا لكتابة تعليق.
waft air
•
الله يهدي نساءالمسلمين
الصفحة الأخيرة