فشلت عملية التلقيح- اللهم لك الحمد

صباح الخير يا اخواتي وحبيباتي

اتمنى كل واحدة فيكم تكون اليوم بصحة زينة ومزاج حلو مو مثل مزاجي

امس بالليل نزل علي دم وكان مفروض اليوم اسوي تحليل دم عشان اعرف نتيجة التلقيح الصناعي

الله ما اراد والحمدلله على كل حال

وحبيت اشكر كل من دعت لي من قلبها قبل العملية وبعد العملية وعسى الله يفرج اموركم كلكم وتحملون باحلى ذرية يا رب

اما عني فالصراحة احس فيني صدمة لأني لحد الآن ما بكيت وحتى زوجي قلت له اليوم الصبح ع الفطور، قال لي ليش ما تاكلين قلت له بطني يعورني؟؟ استغررب قال يعني شنو؟؟ قلت له نزلت عليً امس،،، وحاولت اتصرف ببرود كأن الموضوع ما يهمني طبعا هو تضايق او عمل نفسه متضايق والله مادري لأنه قام باس راسي وحضني خمس دقايق وقال لي كلمتين حلوين يطيب خاطري فيهم وبس، وبعد الفطور للحين قاعد يقرا في كتابه وكأني انا مو موجودة في البيت.. ما علينا

معليش استحملوني يمكن اعصابي ضاربة ومو عارفة شنو قاعدة اقول لكن احس انتو بس في الدنيا اللي تفهموني وتحسوني فيني، يا ربي ما بقى في عمري شي بعد كم سنة اوصل الخمسين، متى يعني راح اخلف واربي واشوف عيالي يكبرون قدامي؟؟؟؟ استغفر الله العظيم ربي واتوب اليه،، اكيد انتو حاسين فيني والله مو اعتراض على حكمة رب العالمين لكن ان القلب ليحزن وان العين لتدمع والله يعلم اللي بالقلب
وعسى ربي يمسح على قلب كل مهمومة ويعطي كل صاحبة حاجة ، والله مو عارفة شنو اسوي؟؟؟ شرايكم يا بنات؟؟ استمر في العلاج والا اوقف وارضى بقسمتي ؟؟؟ وانسى موضوع العيال؟؟ ساعة اقول اللي الله كاتبه راح يصير وساعة اقول الوااحد لازم يسعى للشي اللي يبيه، وساعة اقول الواحد لازم يكون واقعي ويرضى بالواقع،،، والله مش عارفة احس اني قاعدة اهلوس فيني ضيقة غريبة ابي اصيح ومو قادرة احس شي طابق على صدري واحس ما عاد شي في هالدنيا يهمني حتى فكرت اروح اقول لزوحي طلقني انا مافي فايدة ومار اح اقدر اكون ام معاك...
معليش خربطت عليكم وايد لكن تتخيلون لو اقول هالكلام لاحد غيركم راح يسمعني؟؟

الله كريم والحمد لله والله يسامحني ويغفر لي ويرحمني