بجد الله يسلمكم على دعمكم لي ويسعد كل وحده ردت علي او رفعت لي الموضوع وباذن الله بس
يتيسر الحال ارجع اعمل من جديد واحاول اقوم من جديد

هلا عيوني
هذي حال لدنيا ولرجل وهو رجل يدخل بمئات الآلاف ويخسر !!
فعادي شيئ طبيعي ...
المهم إن فكرتك مستهلكة كثير ومتعبة ...وخصوصا إذا مافيه أحد يساعدك
أنا مثلك بدأت بمشروع حلويات ونجح صراحة لكن تخيلي ني وقفته وكنسلت طلبات ومكالمات رايحة وجاية لأني للأسف مالقيت من يساعدني!!
زوجي رافض شغالة وأنا لي أطفال وإذا كن فيه طلبية أمووووووووووت وينكسر ظهري وأهمل عيالي عشان 200 ريال أو أقل !!
ال200 ماهي شينة ولكن التعب الجسدي كبيييييير ...ولما حملت تركت كل شيء ورا ظهري
مع إني بادية بأسابيع فقط ...وكل رزقه على الله ..وتخيلي دفعت بالمشروع 10 ألاف ريال وربي يشهد كله أجهزة لصنع الحلويات وأدوات وقطاعات وألوان وعجاين مشكله وصواني منوعة عادية وسيليكون ...وخليها على ربك
حاولت أستعين بحريم مثلي والربح مناصفة ولكن ولا وحدة رضت

شوفي كيف تركته بدون إختيار مني رغم عني وأنا أشوف نجاحه ..
أنصحك بتنويع شغلك إذا كان فيه من يساعدك وحالتك الصحية جيدة ..
إشتري ألات المعمول حتى تكون بحجم واحد وإختاري التمر نوعية ممتازة مو أي كلام ..

يسلمو ياعمري على النصايح دي يارب يرزقكم ويرزقنا كل خير

أختي سوي معمولك و روحي لمدارس البنات و اعطي المعلمات يتذوقون

و عطيهم رقمك

و صدقيني المعلمات الصبح يدورون أي حاجة ياكلوها مع القهوة

السلام عليكم ..

شرايك تشاركين في بازار حطي كم حبة في صحن بلاستيك صغير و غلفيه
و حطي على التغليف لزقة فيها اسم مشروعك و رقم تيلفون و بيعي الصحن بـ 5 ريال او 4 .
و بكذا تنشهرين أكثر ولو حآبه تسوين حلويات مع المعمول و طبعاً كل شغلك يكون بالطلب
يعني ما يحتاج تسوين الا اذا عندك بازار او في طلبية .