فشل متكرر 😢

خيرة ان ماكتمل حملج عشان ما تتعبين والله يعوضج بالاطفال السليمين
ماعندي فكرة عن حالتج بالضبط بس كل اللي انجبوا اطفال معاقين انجبوا اصحاء يعني ان شا الله الامل موجود

الحمدلله على كل حال ، مشكورة على ردك
الله يعوضني ويعوض الجميع بالافضل والاصلح ويجبر قلوبنا 😢💔

هلا ولله اختي .
تطمني وارتاحي الوضع جدا طبيعي .
لو اصور لك نتايج تحليل الأجنة عندي تعرفين انه شي طبيعي .
كم مرة أسوي حقن مجهري ولا جنين يطلع سليم ، يكون يطلع داون ويطلع سوالف وش كثر ..
تخيلي ايام اجنه يكون العدد كبير ولا واحد منهم سليم سبحان الله ..
وهو من الله ترى والحمد لله يارب ان فيه تقنية كشف ، اعرف وحدة رجعت جنين باليوم الثالث وجابت بنت داون الله يحفظها لها ..
لو كانت مكشوف عليها باليوم الخامس كان مارجعوها لها . وسبحان الله اكملت حملها ..
.
فقولي الحمد لله انه يتم الكشف ، وش انك تفضلين يكشفون ويقولون لك مصاب ولاترجعينه والا تحملين ويجي الاشهر الوسطى ويقولون لك ترى الجنين مريض .. ولله يا ان صدمتك وحزنك بيغطون على قلبك ..
الكشف للامراض بعمليات الحقن المجهري نعمة عظيمة يا اختي ، والفلوس فدا لولد متعافي ولا تدفعينها عقب مصاريف علاج وخدامه و…الخ.
.
وأطمنك ترى كل شهر له تجربة تلقيح مختلفة . يمكن هالشهر يطلع ولا جنين سليم وبعد كم شهر تسوين يطلع لك اجنه كلهم من الدرجة الاولى والثانية بنات واولاد .. ويمكن بعد كم شهر تسوين ويطلع لك اجنه بنات بس ومن درجة ثالثة ورابعه .. وبعد كم شهر تسوين ويطلع لك اجنه اولاد من درجة رابعه ..
يعني هي هبه من الله كل شهر لك نتايج مختلفة مالها اي علاقة باللي قبل ..
مرض داون كثير يطلع والحمد لله انه يتم الكشف عنه ..

ارتاحي وانبسطي انه مارجعوهم لك . وعليك بالتعذية الحلوة والنفسية الطيبة انت وزوجك ، وثم عيدوا التجربة مرة ثانية وباذن الله المرة الجاية تضبط معكم وتتيسر اموركم 🩷

خل زوجك ياخذ عسل يوميا ، عسل مع ملكات النحل وانت خذي فيتامينات وقوليك اسيد .
ولاتتعلقين باللي تاخذينه انه خلاص سبب كافي .
لأن ممكن تاخذين كل شي ولكن نصيبك بهالشهر يكون بس أجنه تعبانه وممكن ماتخذين اي شي ويطلع لك احسن أجنه.
الله يبشرك بما يسرك 🩷

الله يعوضك ياعمري العوض اللي ماتتوقعينه..