فشيلتي عالفطور

يابنات اليوم فزيت وسويت مطبق شفته سهل برقاق السمبوسه وحضرت الحشوه ممتازه ولفيت زي الي بالمقطع واسوي نوعين مالح وبجبنة التشيدر وماسويت سمبوسه طبعا قلت المطبق يكفي عاد عيالي ماياكلون عالفطور غير سمبوسة الجبن واصابع السبرينغ رول مايحبون الشوربه والاصناف الثانيه راح الوقت وانا الف واحوس من الثقة مكثره شكله يابنات رهيييب واعصر عليه ليمون والي بالجبن حطيت عليه عسل اااه يابنات طلعت الرقاق نية بس من برا مشقره والي جوا الرقاق زي ماهو يارب لك الحمد والي بالجبن طعمه سمبوسة جبن مهي مطبوخه يعني رقاق جاهز ملفوف بجبن عاد خفت على عيالي قلت ترى ماطبخت زين اشوا ماعجبهم ماكلوه قلت خلاص شوي اسويلكم بيتزا وزوجي كاتم الضحكه يقرب الجريش يقول سلمه الله من خرابيطك وهو قبل بنات مدح المنتو الكذاب واصناف ثانيه عجبته الحين يتريق على طبخي صدق من قال الرجال مايبين بعينهم شي تفشلت واناظر للمطبق جلس زي ماهو لا ومزينته بقرون الفلفل والليمون مصدقه نفسي قمت أصلي ومارجعت للسفره غير يوم قام حتى بعدين كان بالحوش وجا مسلسل ضرب الرمل هو يتابعه عشان يحب خالد عبدالرحمن بس ماقلتله جا على نصه قال ليه ماذكرتيني قلت نسيت وانا من الفشله مابي احط عيني بعينه