فشيلتي مع خطيبي

السلام عليكم للجميع

أولا انا اول مره اشارك بس لأني معجبه فيكم كلكم في جميع الاقسام:01:

المهم اقول لكم قصتي وانتو عطوني حل وعلموني الله يخليكم

انا دائماً اقول لخطيبي انت ليه ماتصير رومانسي البنت تحب الرومانسي
والله انا مسويه نفسي قدامي وابغى دايما اتدلع ولل أدري شبيجيني

وكثر الدق يفك اللحام كل تحطيم فيه ابتداء الرجال يطور
باركو لي الله يبارك فيني

ماقصرت من الدق

وصاير يفاجأني بأشياء ما أتوقعها منه انا فرحت
من جد وجد

انا رومانسيه في الكلام بس
للمعلوميه
يعني انا اذا جاء ما أسوي جو رومانسي عادي
لأن انا طبيعيه جدا اتصرف على طبيعتي معاه ومع غيره

انا ما أمثل

المهم صارت لي مناسبه قريبه واحتفل فيني احتفال ماتوقعته منه

شموووووووع حمراء وانواع واشكال والكيك وفوقها شموع
والاضاءه الخفيفه

الحق ينقال الرجال ما قصر
ولبسني تاج قال انتي اليوم اميرتي
فيه الخير الله يعطيه العافيه

المهم انا وأخيراً مدحته وقلت ما توقعت انك في يوم بيجي على بالك
تسوي لي كذا فرحتني كثير وتطورت

الرجال شاااااااااااااااااااااااف نفسه واغتر

يقولي بعد كم يوم

بقولج شيء بس لا تزعلين

وانا في الدوام جالس لحالي
جلست افكر فيج

الحمدلله يفكر فيني انشاءلله دوم

وبعديييييييييييييييييييييييييييين

وقلت في خاطري ليه دايما تقول لي اني موب رومانسي

هذا هي موب رومانسيه

شفتو الفشيله
طاح وجهي وتحطمت

هاذي اخرتها
بعد ما علمناهم الطراره سبقونا عند البيبان
علمته الشعر فلما اتقنه هجاني

الصرااااااااااااااااااااااااحه تحطمت
انا رومانسه في الكلام بس هو ظلمني
لأنه طماع دايما يبغى اكثر

اما من ناحية الجو عندي ظروفي اللي تخليني ماأصير رومانسه فيهم

الحين عرفتو فشيلتي ياليت تعلموني اللي تعرفونه
لكم اجر

بعد تذكرت يقول انا قلت لا تزعلين
قلت انا ما زعلت بس تحطمت:06::32:

عطوني نصايحكم كلها لا تبخلون علي بشيء الله يخليكم