السلام عليكم ورحمه الله وبركاته
ياسلامي عليكم يالسعوديه ياديار الشيم يادار الاوطاني
قبل ندخل بالموضوع بتركم دقايق تشوفون شلون بنات وطني الحبيب
شلون رفعو شيمه هالوطن
ماشاء الله من حبهم للوطن حلفو يتنكسون بشوارع وشوفو
منظور معنى الحشيمه والاحتشام بنظرهم
( اليوتيوب مخالف تم حذفـــــــــه )
( المشرفــــــــــــــه )
هذا المقطع قطرة بحر من اللي موجود على اليوتوب
كرنفال يتكرر علينا كل سنه لدرجه كرهنا شي اسمه يوم وطني
كرهنا نشوف يوتوبات بنات السعوديه وكله مسخره وقله ادب
والله حتى المشايخه ورجال الهيئه يجيهم سب والفاظ بذيئه من بعض البنات
جاهلات ومتخلفات واعتقد يسمعون معنى اليوم الوطني..
واذا سالتهم ليه كل هذا قالو من اجل الوطن
وهن افشل الفاشلات دين ودراسه واخلاق
و لو جينا هالاشكال وسالناهم متى توحدت المملكه العربيه السعوديه
بتلقون مليون تعجب فوق روسهم
الفرحه ماتكون قدام الناس اللي يبي يفرح يفرح بشيء المعقول
مو اني البس وانطط واغري واقول شوفوا ياناس انا وطنيه واحب بلادي
للاسف هذي حركات التخلف والجهل ..
وكل القصد من هالحركات إثارة الشباب وعمل لفت نظرٍ لآاقل ولآ اكثر ؟
وبعضهم يشوفون هالتصرف تفتح فكري بعيد عن اساليب التعقيد
وعلا فكره الي ماتستحي من ربها ماراح تستحي من الناس
شي يقهر نعكس صورة بنات السعوديه بهالطريقه السخيفه ؟
والا يعني ماراح تحب الوطن الا لمن ترقص وتصارخ قدام الناس ؟
وتعرض فنون الرقص والهمجيه على شان يعرف الكل ان عندها وطنيه
وان كان في راسك رقص عندك بيتك خذي راحتك ماحد ماسك
وابشركم اللحين طالعين في موضه جديده عبايات خاصه باليوم الوطني
كثير بنات صارو يكونون قروب جماعي عبايات مطقمين فيها طبعا تكون العبايه
حفله من الوان وصور واعلام محل متحرك موب عبايه
ويطلعون الفيصليه والا المملكه وهناك يطلعون كل طاقتهم
والعيون قالبينها لي مهرج اخضر وابييض
الحمد الله اليوم الوطني ماصادف رمضان هالسنه
وماتكرر المنظر الحزين المساجد تعلو اصواتها بكاء ودعاء برمضان
وهذولا ذابحتهم الوطنيه رقص ومسخره
احتفالنا هو الدعاء ان الله يديم علينا الأمن والأمان ويحفظ ولاة أمورنا
غيرنا مو لاقي هالنعمه
هالموضوع مو عن الشباب هالمره للبنات خاصه
اللي عندها وطنيه زايده ودمها كله اخضر
ابي تجاوبنا وش تحس فيه وهي تمثل نفسها بوطنيتها ؟
طبعا الشباب حالتهم حاله من بعد انجازاتهم الوطنيه بالخبر
لاحظو اني ماعمم اكيد هالفئه مريض نفسيا وحالته خاصه ؟
ومافيها شي لو الشباب طلعو وعبرو عن فرحتهم بس بدون همجيه
لآن شي طبيعي الشباب يطلعون لان الشوارع مفتوحه لهم ماهي عوائل
والحمد الله في شباب و بنات يمثلون الوطن وروسنا مرفوعه فخر فيهم
.
.
ماراح اطرح اي سؤال لان الاسئله كثيره
الموضوع للنقـآش اتمنى المشاركه من الجميع
الردود البارده ( يسلمو ,,, يعطيك العافيه , ) مابيهاا بلييييييييييزززز
والمايك لكم
.
شكرا للطرحك الموضووع