فصلت مطبخ بسعر وقدره.... بس شغلهم عدم إش ريكم

السلام عليكم ورحمة الله وبركاته
وكل عام وأنتم يالغاليات بخير
والله اشتقت لكم كثير يابنات حواء الله يجعلكم كلكم بألف صحة وعافية ....
مشكلتي يالغاليات
سويت مطبخ عند شركة معروفة وكلفني والله 43ألف داخل من ضمنها الثلاجة والطباخ وفرن كهربائي على مسافة 2.5في 3بسسسسسسسسسسسس ....لأنو مفتوح في الصالة وشقتي مرة صغيرة ...
وكان إتفاقنا يتم تسليمه يوم 20/6/1430هـ
وتخيلوا صاروا كل يوم يجيبوا شوية ويقعدوا لي شهر وتاني يجيبوا شوية ويقعدوا شهر والحين 27رمضان توهم جاو بيخلصوا التركيب وأنا اطبخ في المنور من يوم فصلنا عندهم لأني رممت بيتي وسويت جبس للمطبخ وما حبيت أطبخ فيه حتى مايتعدم عليا وحالتي حالة 3شهور اش رايكم بالله ... ومع ذلك مشاكلهم كثيرة وشغلهم عمال على بطال ولا نفذوا اللي طلبناه منهم
مثل تروللي وسلات وأدراج الأرزاق ... هذا غير الموديل اللي لعبوا فيه لعب
يعني بالمختصر المطبخ مالو منظر بالمرة ...يعني 15ألف كثيرة بقوة فيه
المهم لما جينا نسأل ليش ماركبو تروللي وسلات وأدراج أرزاق قالوا إنو مو مسجل في العقد ...
أنا لما شفت المطبخ وعجبني ورحت محلهم وشفت الموديلات كنت أطلب منهم أقول ابغى زي كدا وزي كدا ...لأني أنا وزوجي بصراحة نأشر عليها بس ما نعرف اسمها (قصدي التروللي والسلات)بس كنا نقول زي دي وزي دي ...
أثارو مو قاعد يسجلها في العقد واحنا ياغافلين لكم الله .......بعد كذا طلبوا من زوجي يوقع على العقد وقع وانتهى ...
سافرنا بعد كدا واعطونا كتالوج لمطابخهم وكتالوج للسلات والترولي
وقعدت أقلب الصفحات في البيت واللي عاجبني اسجله في ورقة
وبعد كدا كلمهم زوجي وقال نبغى عين سيراميك وكمان قلاية والسلات نبغى زي هدي والترولي زي هدي والأدراج زي هادي ...........وهو يقول طيب طيب ...طبعاً لسا مابدأو لما طلبنا منهم لسا ما أعطيناهم أمر بالتنفيذ...
ولما جو بيركبوا ولا حاجة من اللي طلبناه موجود ....
قال زوجي نشتكيهم خلاص .....كدا ياكلوا فلوسنا وجابوا لنا كومة خشب ...
قلنا خلاص نشتكي على الدولاب بس وعادي ناخد الثلاجة والفرن والطباخ .........والباقي يرجعوا فلوسنا والا يعدلوا
قالوا خلاص بنعدل .........عدلوا وتحسن شي وخربوا شي زيادة .....وقالوا السلات والتروللي ماتجي ..
الحين إش رايكم نشتكيهم وكيف ندينهم إنا طلبناها منهم بس مانفذوا طالما هي موموجودة في العقد ............على كذا هم غدروا فينا ..........بنقدم شكوى بس إيش نقول فيها ......والله قهر بمعنى الكلمة ......
يالله آرؤكم ياحلوين خففوا من قهري ... المشكلة المطبخ مفتوح على الصالة من جد قهر الله لا يسامحهم ...