فصلني ابوي من وظيفتي بعد ماتزوج الثانية

اخ يابنات طلبتكم تساعدوني قسم بالله بنهار من الضيقه، انا اكبر خواتي بالبيت كلنا بنات وفوقي وحده وقد تزوجت ف اعتبر انا الكبيره الحين وعمري ٢٢ سنه وشايله مسؤولية البيت، كملت ٣ شهور من فصلني ابوي من وظيفتي بدون سبب يشهد الله بدون سبب يابنات ماكمل سنه من تزوج وتغير عليننا كلنا لدرجه فصلني من وظيفتي عمره حول ٦٠ وخذا وحده من قريه عمرها ٣٠ عوبا وجريئه وكلن يقول انها تحب المشاكل بس للحين ماقابلناها لكن تصرفاتها تثبت هالشيء اذا تركت مناديل فيها روج بالسياره وكم حركه تقهر ، تكفون ساعدوني حطمني وذبلت نفسيتي وخرب شعري وبشرتي من الهم متعلقه بوظيفتي مرا كانت عازتني عن بخله الشديد وعن تسلطه، وجتني بعدها ٧ عروض وظيفيه ماتتفوت وكلها رفضها وماخلاني اتوظف تحطمت وتغيرت شخصيتي للاسوا و٩٧٪؜ فيني إكتئاب من صدمة زواجه وصدمة انو فصلني من دوامي ، صرت افكر بالهرب لكن ارحم امي وخواتي من العيشه معه خصوصًا اني الوحيدة اللي تأخذ حقهم وتدافع عنهم ، كثير امور ابي اسويها زي باقي البنات مثل ليزر وعلاجات لشعري وبشرتي الي انعدمت من النفسيه الي حطها فيني وابي احقق مطالب خواتي وامي كلنا عاطلات وماعندنا مصدر دخل وهو مايعطينا الا بالاعياد فقط ومايعطي زين بعد ، علموني وش اسوي ودي اوقعه تهديد عند الشرطة مايتعرض لي ولوظيفتي لكن تعرفون القانون عندنا مشي حالك من ناحية الآباء المتسلطين ومافي قانون صارم يهددهم ويوقفهم عند حدهم! اخاف يدمر حياتي زود ويحبسني أنا وامي وخواتي اكثر من حبسه الحين😔 افيدوني بنات ادري خيره وادري ربي مخبي لي الشيء الافضل لكن خلاص أنا تعبت أشوف الدنيا تتقدم وأنا جالسه بحكم ان ابويموقف مستقبلي وينتظر لي الزوج، تعبت اشوفني غارقه بالفراغ والحزن والاكتئاب ذبحني الفراغ يومي يمر بدون هدف ماعندي شي اسويه حاولت اغير روتيني واتعلم او ادرس او شي مافي شي يلهمني كلشي منطفي بعيني .. عطوني حلول !