فصلوني من جامعه وانا فكورس التخرج.. من تشور عليه بدعيلها بالسعاده والفردوس

خواتي في الله...

السلام عليكم ورحمة الله وبركاته...

اسمحولي عموضوعي لكنه والله يخليني اصيح بدل الدموع دمممممم عحالي..

دمروني ودمرو مستقبليني وفصلوني وانا عالكورس الاخير من التخرج..

واذا سالتوني عن سبب الفصل بقولكم مش اكاديميا انا معدلي وايد مرتفع لكن انفصلت بسبة البنات اللي دمرني وافسدن اخلاقي بسبة البويات >> مسترجلات

والله ابكي على حالي وما آل إليه.. اصبحت تصرفاتي غير سويه فاضطرت إدارة الجامعه لفصلي نهائيا بسبب فساد أخلاقي

لكن حدث ما حدث وفصلت من الجامعه وانا على اخر كورس بتخرج وبتخصص صعب

دراسة وكد اربع سنوات راحن والله معانه وحرقة الم وقبضة وغصه تعووور وايد

النوم تجافى عن عيني وحزنت حزن تورمت فيه جفوني وضعف جسمي وانهد حيلي

كرهت حياتي ودنيتي ونفسي ليت الزمن لو يررررجع واصلح اللي صار.. ليتني انهديت قبل ما يصير هذا ليت الزمن يرجع

ما انتهت مآساتي بفصل اللي فتح عليه الحزن وخلاه من اعز خلاني..

قلت بكمل فجامعات ثانيه ووللاسف المصيبه الكبيره انه اغلب الجامعات الخاصه لا تقبل طلبه مفصولين

ويوم عرفت هالشي خلاااص تعبت سقطت مغشيا عليه من الالم والحزن

واهلي حالتهم حاله يشوفون حالي لكن ما بيدهم حيلهم نزلت راسهم وانفصلت بدل ما افرحهم بتخرجي

وكل ما اسال يقولون لي التعليم العالي ما يصدق شهادة درست فيها فجامعه حكوميه وانفصلتي وسرتي تكملين فجامعه خاصه


مأساتي وحالتي حاله وتعبانه نفسيا كنت بتخرج خلااااااااااص وكل شي ضاع بغمضة عين..

قدمت فجامعه خاصه وقبلوني وحذفو سنتين ونص من دراستي وغيرولي تخصصي وانا مب متحمله هالشي

شورو عليه شو اسوي.. مليت حياتي وكرهت كل شي حوليه بموووووت مستقبلي ضاع

صعب ابدى من جديد...

اللي ما بيدها تشور عليه بشي.. تكفي دعوه صادقه منهااا.. الدعوه في ظهر اخيك المسلم مستجابه..

ليتني اموت شهيده وتنتهي مأساتي وارتاح...اصيح بدال الدموع دم عحالي ومأساتي..

الحمدالله بعد هذا الشوط الكبير ربي هداني واستغرت لذنوبي.. لكن لا اعلم ان قبل ربي توبتي

شسوي فدنيتي والله .. شجعوني قولولي اي كلمه... اتجرع الحزن كل يوم..

واذا بتقولولي واسطه ترا هالشي ما ينفع لاني حاولت ورفعت تظلم وكبرت السالفه لكن للأسف..

هل يعتبر فصلي ابتلاء من الله لكي تكفر ذنوبي؟ ام انه عقاب بسبب ما اقترفته يداي من ذنوب..؟؟ كيف اجد الجواب لسؤالي

لازال قلبي متعلق بجامعتي؟؟ ما رايكمـــ في موضوعي؟؟ لا احتاج لتجريح فحالتي يرثى لها.. تكفي المواساه

والسموحه منكن