انا زيك ولمن احمل واوصل الشهر السابع اخذ ابره وبعد الولاده يشوفون اذا دمه زيك مايعطوكي ابره واذا دمه موجب تاخذين الابره ولاتخافين كثير ناس كيذا والحمدالله عندهم بدل الواحد خمسه عيال ماشالله ولا صار شي

انا بنتي الكبيره مااخذت الابره لان دمها نفس دمي

وببنتي الثانيه اخذتها مرتين بالسابع وبعد الولاده عشانها موجب

والحين انا اذا وصلت السابع اكيد بيدوني هي انتي تابعي مع دكتورتك وشوفي ايش تقولك

حيااااتي يعطيكم العافيه
تعبتكم معاي
ريحتوني وربي

الله يحفظ لك ما أعطاك .. ويتمم لك على خير
لابد تاخذين ابرة في السابع ..
وبعد الولادة في حال كان فصيلة دم الطفل تختلف عنك ..

ولو حصل لا سمح الله إجهاض لابد تاخذين إبرة خلال 48 ساعة لأن عدم أخذك لها يسبب في خسارة كل حمل قادم .. أو تشوه الجنين ..
هالنقطة الاخيرة للتنبيه وبحول الله تعالى ما تحتاجيها لكن لأني ألاحظ بنات تسقط وما تروح المستشفى تشرب أشياء في بيتها وخلاص وما تدري عن سالفة الفصيلة والله المستعان ..

كمان نقطة ثانية لو نزل منك دم خلال الحمل قولي لدكتورتك مباشرة وأسأليها هل هالشيء يضر أو لا .. يعني هل يحتاج تاخذين الابرة وقتها ولا عادي الأمر طبيعي
لأني قريت موضوع لوحده من الأخوات هنا عن هالشيء وتقول انه ضرها والله أعلم