فضفضة

سبب كتابتي لدى الموضوع هو الفضفضة .. مي عارفة افضفض لمين قلت خليني اكتب هنا امكن ارتاح شوية
مدري ليش سرت حساسة زيادة عن اللزوم كده خاصة من بعد الزواج

انا عمري 25 سنة اتزوجت و عمري 20 سنة و دحين عندي ولدين الاول 4 سنوات و التاني 1 و 7 شهور
حاسة اني صغيرة او اتزوجت صغيرة لسا ما خلصت الجامعه شكلي محا اخلصها الا بطلوع الروح لغاية الان 7 سنين كنت قسم ادب انجليزي مانفعت دراستي مع حياتي الزوجية حولت على ادارة اعمال قسم موارد بشرية و خايتها انتساب عشان اقدر اوفق بين حياتي الزوجية و العلمية مع اني غلط غلطة عمري اني دخلت القسم ده بس مابغا اطيح كلمة بابا هو الي طلب من ادخله بحكم الوظيفة انها تكون ممتازة

و زوجي ماعنده استعداد اني اتوظف مشاكلي حاحطها على مراحل لأن كل وحده تختلف عن التانية :- ( بس للفضفضة)
1- من يوم اتزوجت سرت حساسة مررة و خاصة بعد الولدين مشاءالله تبارك الله مافي اولاد هادئين و كاطفال يبغو يلعبو و يفرغوا طاقتهم و ماما و بابا يحبو الاستكنان جدا .. و ماما دايما كلمتها شيلي اولادك و روحي على بيتك ولا عاد تجيني تاني .. هيا بتعطيلي هيا (مزحلي جدلي) بس تحز في نفسي لمن اقولها يا ماما ما تبيني اجيكي تقولي بلا هبل انا بمزح معاكي انا بنتها الوحيد بين 3 اولاد

تقولي بمزح لاوم تيجي .. و انا جوزي وظيفة تخليه بعيد عن البعيد فترة طويلة جدا و اانا امل لحالي و متعودة على ماما من انا لسا عايشة عندها

بيتي مررة قريب منها فاجيها باستمرار .. بس دحين باخفف لأني دخلت ولدي روضة

2- بابا بيعطيني مصروف كل شهر 2000 ريال غير بيدفع راتب خدامتي 1200 ريال شهريا .. بس احسه تعب مني اكلمه اقوله يابابا .. من غير احراج (هو اللي عرض عليا الشئ ده ) اذا ما تبغا قولي عادي اقولي بس يا بنتي انتي بنتي الوحيدة و لازم اسويلك و الحمدلله الخير في و موجود بس في احساسى احسة تقيل عليا مدري ليه


3- جوزي الحمدلله راتبه ممتاز 10000 ريال بالنسبالنا مررة ممتاز .. احس لمن يكون يبغا شئ لنفسة يسوية و لمن اكون انا ابغا شئ سين و جيم و لا ولا مافي فلوي ولو اعطيتك حننزنق
لمن اشتري شئ من الفيزا من غير مايدري اقولي بعدين ترجعي الفلوس ( انا من موظفة من فين ارجع ) هو الله يهديه معتمد انه بابا معطيني مصروف .. اي شئ اشترية لنفسي من فلوس جوزي اقولي ترجعي تردي الفلوس

اللين طقيت من حركاته قلتله بابا شال المصروف و بطل يعطيني لمن اشتريت شئ و رجع قلي رجعي فلوس اللي اشتريتية ( اتعصبت عليه قلتله بما انك منت قد مسؤوولية انك تصرف عليا من فين انا اجيب فلوس ؟؟ *****الله لمن اشتغل على اول راتب ارجعلك فلوسك ( هو رافض الوظيفة بشكل قاطع ) اتنرفز مني و قالي مين قلك انك حتشتغلي قلتله من فين اجيبلك فلوس و انت كل ما اشتري شئ من عندك تقولي جيبي فلوسه ليه انت مو جوزي لو ما تبغا تصرف عليا قولي ادور اللي جيبه مليان و يصرف عليا من قلبه ( اتنرفز و صريخ و تعصيب بس اتعدل معايا)

انا تعبانه و حاسة قلبي مليا ماعدي صحبات كلهم اتزوجو و كل وحده ليا اولاد و مسؤوليات و وظايفهم و صديقتي و رفيقتي الوحيدة اللي ارتاح معاها راحت مدينة غير اللي انا فيها

وماعندي احد غير ماما .. بس احس اني باتقل عليهم و اسويلهم عبء و انا مابغا الشئ ده

ماما تبغاني دايما اسمع كلامها في كل شئ حتى في اختيار ملابسي لغاية الاان و ن ما سمعت كلامها اسير عاصية



ادعولي الله يريح قلبي
في النهاية انا حاطة قناعة في بالي .. انه ربنا كاتبه حيسير ايش ما سار و ان الدنيا دي فانية لأبعد الحدود