فضفضة

السلام عليكم ورحمة الله وبركاته
بنات رح أدخل بالموضوع على طول .. أنا بس حابة أفضفض مو أكثر لأني متضايقة مررة
انا صارلي متزوجة 3 سنواث وزوجي بيني وبينه فارق كبير بالسن تقريبا 18 سنة المهم ولسه ما صار حمل ولا مرة أبد أبد
كل الي تزوجو معاي وبعدي حملو الا أنا .الحمد لله رب العالمين .. أنا أعرف أن التأخير فيه خيرة لي باذن الله لأن ربي رحيم وأكيد ما يحرمني بدون سبب لا لالا أكيد في سبب وفي خيرة لي
بس مع كده .. بتضايق مو بيدي أحيانا وخاصة أني مريت بطروف من فترة ماأبغى أتكلم فيها وحسيت أن ما حد فاضي لي
بنات أنا عندي أخت أكبر مني لما تزوجت تأخرت شوية بالحمل وكان معاها تكيس وارتفاع بهرمون الحليب وكانت تشكي لي وأنا ما كنت متزوجة وأحاول أصبرها وكدا ..أختي دي ما شاء الله حملت وبذكرى زواجها الثالث كان ولدها بين يديها وأنا تأخرت أكثر منها ..ماحد من أهلي تأخر مثلي و مافي سبب واضح للتأخر
أصلا أنا مؤمنة أن لو كان فيني كل الأمراض وربي أراد الحمل بيصير بس الله ما أراد لسه
والمشكلة أنا بمثل قدام الناس أني مو مهتمة ومو فارقة معي عشان ما أعطيهم مجال يتشمتون ومع كده بسمع كلام من هنا وهنا يسد النفس ويكسر الخاطر :44: وما أبين على حالي حتى قدام زوجي بس قلبي بيتقطع وأبكي وما أشكي لحد أبدااا ...عشان كده بكتب هنا لأن ما حد يعرفني وباخذ راحتي بالكلام
من قريب صرت أشكي لزوجي لأن نفسيتي خلاص تعبت مرة وصرت ما أهتم بنفسي مثل أول بالبيت مو بيدي حتى بشرتي كانت حلوة دحين مليانة حبوب صغيرة تحت الجلد من التفكير ..والله ما أقدر أنام بالليل من التفكير ويطلع الفجر وأنا أتقلب وأفكر
وزوجي مشغول بدوامه وهالفترة في مشاكل بشغله يعني مو ناقصه نكد
ااااه يا قلبي ..يارب ارحمني يا رب