فضفضة. .

سلام بنات اخباركم ماني عارفه ايش اكتب يمكن البعض يضحك على هالموضوع لأنه تافه شوي
ندخل بالسالفه
هالفتره يابنات جايني طفش من كل شي ماابي حتى بيتي ابي اطلع طفشت من نفس الروتين مره ملل زوجي يجي من دوامه الظهر الساعه 11 تقريبا نتغداء الساعه 1 وانظف بعد الغداء زوجي ينام هو وولدي الين الساعه 2 بالليل تقريبا ويصحون وانا أكون صاحيه بروحي اسوي قهوه وحل وصحي فيه مايقوم اتقهوى لوحدي واتفرج واصلي واكلم أهلي واخلص شغلي وانام الساعه 10 أو 9 من الطفش اكلمه انو نطلع نتمشى يقول ماابي اسوي الغداء أقوله خلينا ننزل الحديقة اللي جنب بيتنا تتفادى فيها ونتقهوى وولدنا يلعب يرفض أحس بسبب هالشي في حاجز صار بينا ماعاد نسولف زي اول ونمزح ونلعب كل مااحاول افتح معاه موضوع ياانه يسوي نفسه مايسمعني أو يقولي تكلمي زي الناس ماتعرفين تسولفين لمن أشوف جواله وكلامه مع البنات اللي يخوني معاهم انغبن يسولف معاهم ويضحك وربي أوقات يطلب هذاك الشي منهم🔞 💔😢اشوف واطنش واعدي مااتكلم اتغاضى هالشي عشان نفسي وولدي وحملي مره طفشت وتعبت يابنات لمن أقوله ليش تسوي كذا يقولي تراك طفشتيني خليني براحتي صارلي مايقارب 3 شهور مخيلته براحته لدرجه صار يجلس بالمجلس بروحه بالساعات مره جلس من الساعه 10 الين 5 الفجر وهو بالمجلس يكلم ويسولف وانا من التعب والوحام منسدحه بالصاله مع ولدي اذا رحت وجلست معاه ماكاني موجوده وربي جالس على جواله لحد يقولي انتي السبب هذا من غيرتك عليه سبب غيرتي انه أي وحده تكلمه ولا تمدحه زوجي يكلمها عرفتو ليش ماكنت ابي أحد ينزل صورته هذا هو السبب حملي الأول أجهضت حملي كله كان مشاكل وانا طول الوقت بالمستشفى بسبب الموات اللي كانت تنزل واجهضت الحمدلله على كل حال يوم جاء يأخذني أخذ رقم الممرضه السعوديه اللي كانت تتابع حالتي وربي مااكذب وحملي الثاني بولدي الله يحفظه مره تعبني كان مسافر انتداب 3 شهور جده ورجع لخوياته وهالكلام والحين مع هالحمل رجع وتعبني معاه كل مااساله انا مقصره بشي يقول لا مومقصره أجل ليش تخون يقولي كذا بدون سبب وربي يابنات قلتله لوتبي تتزوج قلي انا بزوجك بس لاتخون وتكلم أقوله لوجتك بنت وبكرة النهار شفتها تبكي انو واحد لعب عليها وش بتسوي يقول بقتله قلتله حتى هذول البنات عندهم أهل مره خايفه وملخبطه أحس الدنيا تدور فيني انا كلمت أمه وقلتلها بكل شي وربي أنها انقهرت وزعلت قالت مايصير خاطرك إلا طيب بنات انصحوني ابي حل اعتبروني اختكم أفكر اني أطلق بس أفكر ولدي ايش ذنبه ولي ببطني اذا أبوه كذا مع العلم كل إنسان يخطي بس يتوب ويخطي ويتوب مافي أحد كامل وهو فيه الزين والشين بس غلبني معاه وتعبني



اعتذر عن الإطالة. ..