فضفضة

السلام عليكم.
بفتح لكم قلبي وياليت القى حل.
انا متزوجة من ست سنوات من رجل مطلق معاه ثلاث اولاد وبنت.
والعيال مع امهم على رغبتها وهي تزوجت وربي يوفقها....انا ماكتب لي الله حمل مع زوجي ولا مع طلييقي.
قايمه في زوجي وساندته وشايلته وأرحب فيه وأهلي وللامانه هو طيب ومحترم.
راتب زوجي مو قليل فوق ال١٨ الف.
ويعطي عياله مصروف راهي يعني مابه بخل....واحيانا يعطيني مصروف واحيانا لا..واقول عادي.
يجي نص الشهر يقول خلص راتبي برغم اني والله حيييييل اقتصاديه.
وهو ماعليه اقساط.يعطي عياله مصروف اربع الاف وخمس ميه.
ويتقضى للبيت بخمس ميه.
يزود فوق ١١ الف شلووووون تخلص.
٢٤ ساعه جالس ع المباراه ولا يسولف.
كتب ربي لي حمل من فضله وبقي لي شهر واقوم سالمه ان شاء الله انا ووليدي.
يوم صار اليوم قلت له احتاج اغراض للطفل اعطاني بس ٥٠٠!!!!
هذا اول طفل لي وش تكفيني ال٥٠٠ وش تكفي الطفل؟!
اللي حصل فجرت بوجهه اليوم وبكيت والله بغزاره قلت له ذا اول فرحة لي شلون تكسر خاطري.
قلت له انا ماقصرت معك وكنت حنونه وطيبه ليش تسوي كذا!؟
ليش انت مهمل ولا حتى اسمع منك كلمه وحده حلوة!؟
اذا انت خاطرك تزوج تزوج بس لا تهيني كذا وجلست ابكي.
قلت له ياكرامتي يافارقني باحسان.
وفهمته انو غلاه قل بقلبي بسبب اهماله وتقصيره.
طبعا زوجي مو راعي مغازل ومكالماات وبيتوتي كثير.
المهم جلس يعتذر واعطاني مبلغ كبير ورجعته له.
وترجاني اخذه ورفضت.
نسيت اقولكم اني يتيمة ام ويتيمة اب وبغربه عن قرايبيني.
جلست ابكي واول مره ابكي كذا عنده لاني انجرحت منه.
اعترف انه مقصر وحاول يحب ايديني ويراضيني وانا عارفه ان هذا طبع به اللي هو البرود.
المهم للحين مااكلمه كثير مجروحه وهو يحاول يراضيني وخايفه ارضى ويرجع زي قبل.
عمر زوجي ٤٦
وانا ٣١