فضفضة 💔😭

السلام عليكم ورحمة الله وبركاته
كيفكم حوائيات
مدري من وين ابدأ بس جيت افضفض لكم
لاني ماحب افضفض لاحد من اهلي
طبعاً تعرفون من موضوع سابق لي ان لي تقريباً ١١ سنه متزوجة والله ماكتب لي ذريه الحمدلله على قضائه وقدره
احس حياتي انتهت مو عشان ماعندي اطفال
عشان وضعي مع زوجي
انا ساكنة مع اهله في غرفه طبخنا واحد واكلنا وشربنا واحد بس اروح غرفتي وقت النوم وهذا الشي مايخلي لي خصوصية في حياتي حتى اذا تزاعلنا الكل يعرف واللي مريحني شوي ان امه واخواته زي العسل قد مااقولكم مستحيل اوصف طيبتهم ودايماً معي كأني بنتهم واحسن
بس مااقدر البس اي شي وفي اي وقت ولااكشخ كثير واللي مثل وضعي راح تعرف
طبعاً كل وسائل التواصل الاجتماعي ممنوع احملها في جوالي
صديقات وروحات وعصريات وزواجات ممنوع الا اذا كان احد يقرب له
اذا خرج وراح اي مكان ممنوع اسأله وين رايح ومتى جاي
اذا تأخر برا البيت يقول لاتقلقي ولاتسألي طيب هذا الشي غصب عني مو بكيفي
مايبغاني اقوله بخرج اتمشى واغير جو يزعل
صارت حياتي معاه مافيها مشاعر صارت مشاعري متبلده
يمكن من كثر ضغطه علي صرت كذا
مااقدر اقوله كلام حلو مااقدر احضنه اذا احتجت حنانه
حتى لما يقول انا مريض لساني ينربط مااقدر حتى اقوله سلامتك
احس اني عايشه حياه مو طبيعيه
لما افكرفي حياتي ووضعي اتعب نفسياً
نفسي اعيش حياة طبيعيه زي اي انسانه
احس حياتي مافيها مشاعر جافه 😭
الحمدلله على كل حال
سامحوني طولت عليكم
هذي مجرد فضفضة واللي عندها حل لي او دعوة الله في ظهر الغيب وجزاكم الله خير