فضفضة 😢

لا أبكيك إعتراضاً
فكل نفسٍ ذائقة الموت
و لكن أبكيك فقداً و اشتياقاً


آه يَ بنات من مات خالي و احس فيني فراغ كبير احس بشعور غريب ما قد حسيته بحياتي طبعاً خالي هذا هو اللي رباني بعد ما تخلى عني ابوي عمري ما تأخرت عنه لحظة في اي مناسبة كنت اول وحدة اكون عنده يوم زوجي كان عنده عملية استئصال القولون لان كان عنده الخبيث اجل عمليته و طلع من المستشفى على مسؤوليته و جاء زواجي يوم شفته بالزواج بكيت و ترجيته يرجع المستشفى لان صحته اهم عندي من كل شيء بالدنيا و وعدته قبل يدخل العملية اكون عنده وفعلاً اليوم الثاني صحينا بدري انا و زوجي وطلعنا المستشفى و انتظرت لين خلصت عمليته وفاق و شافني و طلعت و صرت كل يوم العصر ازوره لين طلع من المستشفى
ي بنات كان اذا قالو بكرة رمضان اروح اتسحر معاه و افطر معاه اول يوم كان اذا تأخرت ما زرته يسأل عني يوم العيد اروح انا و اياه المسجد علشان صلاة العيد السنة اللي كنت فيها حامل ما رحت كنت تعبانة مرة بس رحت له البيت لقيته ينتظرني يقول والله ما اكل لقمة لين تجي فلانة
بناته كانو يقولون لي نغار منك ابونا يحبك اكثر منا كنت اقول لهم تتخيلون بعدين مافي داعي تغارون انتو بناته و معاه في بيت واحد و انا بعيده انا اللي مفروض اغار منكم
و توظفت يَ بنات و انشغلت مع الوظيفة و بيتي صرت اروح له بالشهر مرة في شعبان السنة اللي راحت كنت احلم حلم غريب و كأن خالي يودعني و يوصيني على نفسي بس ما قدرت اروح له زوجي كثرت اشغاله و انا ارجع من الدوام اخلص شغلي و انام و جاء رمضان و مر اول يوم ما رحت له كنت كل يوم اقول لزوجي متى بتوديني و كل يوم يتحجج ب اشغاله في يوم ١٥ رمضان جيت عند زوجي وقلت له ترا ما صارت مر نص الشهر و انا ما شفت خالي يَ توديني ولا ترا ب اروح مع السواق و بكيفك قال لي خلاص الله يعيني اوديك و اصلي التراويح في المسجد حقهم بعد الفطور جهزت بنتي و لبست و طلعنا السيارة شوي الا جوالي زوجي يدق فجأة اسمع زوجي يقول لا حول ولا قوة الا بالله انا لله و انا اليه راجعون الله يرحمه يارب و نزل يكلم برا السيارة و لما ركب ناظرته و قلبي يوجعني آه يَ ذاك الالم ما انساه قلت له وش فيك قعد يناظرني ما تكلم قلت له وش فيك مين مات قال لي خالك فلان مات لا لا مستحيل انت تكذب لا لا خالي مافيه شيء انا ب اروح له الحين و صرت ابكي و اقول كلام ما ادري وش نزل زوجي و فتح الباب وضمني وصار يصرخ يقول لي خلاص خلاص و انا ابكي ما اذكر نفسي كنت ضعيفة مثل ذاك اليوم و كأن طهري انكسر و انشلت رجولي قلت له وديني الحين و فعلاً وداني دخلت البيت ورجولي ثقيلة كان باقي مافي احد الا بناته اول ما دخلت قالت لي بنته وينك ابوي له ٣ ايام يسأل عنك ابوي له ٣ ايام يناديك آآآه ي بنات آه طحت من طول ابكي كيف خليت الدوام و الوظيفة تبعدني عنه ما قدرت اودعه وهو حي ولا ودعته وهو ميت ما قدرت اروح الدفن و اودعه كنت في عالم ثاني ما اسمع ولا اشوف بس نايمة كأني ميته
ي بنات كل يوم ابكي ماني عارفة كيف ارجع اعيش حياتي طبيعي احس كل شيء فيني راح معاه
😭
يارب سامحني على بكائي و حزني ان كان سخطاً و اعتراضاً يارب ما املك الا الدعاء و البكاء فيارب اجبر كسر قلبي و اجرني في مصيبتي