مرحبا فيكون جميعا
بالنسبه لتدخل الزوج في البيت أرى انه شيئ صحي ... فهذا يدل على علاقة مشاركة بين الإثنين ..... فإما يقنعها برأيه وإما أن تقنعه برأيها ...... ما أجمل أن يدخل الزوج للمطبخ مع زوجته يشاركها بأرائه فإن إقتنعت نفذت وإن لم تقتنع حاولت أن تداريه بأسلوب لا جرح فيه ولا خدش .....
أنا زوجي من هذا النوع ...... يتدخل في كل الامور .... من ترتيب البيت إلى طريقة الطبيخ .... إلى طريقة لبس الأولاد ...... لا أنكر أني في بداية الزواج وجدتها غريبة ولكني أدمنت إشرافه معي على كل صغيرة وكبيره وهو من النوع الذي يتقبل النقاش ......
فلتناقش زوجها إن لم يعجبها أمرا ولتقنعه ......

اول شي حبيت اشكر الاخت شام علي تقبلها لافكارنا بصدر رحب وتطبيقها ماشاءلله عليك يااخت شام والي الامام دايما وموفقه عزيزتي انشالله دنيا واخره
ماتتصوري شو فرحت لما قريت اسمي :)

امابالنسبه لمشكلة الاخت فانا براي انه ممكن تحاولي معه انك تقنعيه انه البيت والبنت من اختصاصها وهو مايشغل نفسه بهذه الامور كفايه شغله وممكن تكون فتره وتعدي وفي المستقبل هو من وحده بمل من اعطاء الاوامر انا معك انها مشكله ممله نوعا ما اذا زادت علي حدها بس الله يعينك وخاصه الواحد في الغربه مابلاقي شي يتسلي فيه غير اهل داره :)

السلام عليكم
بالنسبة لمشكلة الاخت يا شام
انا عندي العكس تماما زوجي تارك لي كل أمور التربية والبيت 100%
بس والله بحس اني بتعب كتير خاصة انهم صبيان وانتو بتعرفوا تربية الصبيان
المشكلة وين؟انهلما بتصير اي مشكلة مع ولد او بيصدر عنه تصرف مش مقبول بيصير يقول مش هاي تربيتك؟! وكاني منعته يربي ولاده!
هو زوجي ربي من غير اب(والده توفى لما كان عمره 9 سنوات)يعني هو بيقول انه ما بيذكره ابدا لانه كان مشغول طول الوقت
انا بحاول اشركه بالتربية وبحكيله عن الاساليب وبحاول احضر انا وياه برامج تربوية بس ما في فايدة بحس انه لانه دور الاب بحياته كان عنصر غائب فهو مش مدرك لاهميته!
المهم انه الرجال ما بيعجبهم العجب ولا الصيام في رجب
؟أنا رأيي انه الاخت السائلة تطول بالها يمكن لانها لسه في بداية سنوات الزواج وهدا شي عادي انه يحصل اختلاف ولو على اتفه الاسباب
وطالما صار عندها منه اولاد بدها تصبر على ما بلاها وتطول بالها
عموما هي باسلوبها ممكن تفهمه انه الامهات ادرى بمصلحة الطفل واقرب بفطرتها لمعرفة احتياجاته من الاب وهي ما عندها مانه من اتباع النصيحة اذا اقتنعت فيها وطبعا هدا بيعتمد على نوع الخلاف على شو؟
مثلا اذا على اكل الطفلة فهدا ما بيختلف عليه اتنين واطباء الاطفال ما شا الله ما بيقصرو مع الام والاب وهي فيها تاخده معها في زيارات الدكتور
اما ازا على طريقة التربية فهاي فيها كلام كتير
لازم يقعدوا الاتنين ويحددوا نقاط الاتفاق على كل شغلة بتتعلق بالتربية ونقاط الاختلاف لحد ما يوصلو للرضى
وعلى فكرة لابد من تقديم تنازلات ما بتمشي الحياة الزوجية غير بهيك
والله يكون معها ومعنا

اختي الله ييسر لك امرك ويوفقك مع زوجك ويخفط لك بنتك

يا اختي بالنسبة لتدخله بالبيت الاخوات ما قصروا وقالوا لك الكثير

اما بالنسبة للتربية فانا عندي سؤال يمكن تستغربي منه وهو شو عرفك ان تربايتك هي الصح؟؟؟ ليش ما يكون رايه هو الصح ؟؟

انا صار معي هالشي مع ابني الكبير لان اول ولد ولما اجا كان زوجي ما يقعد في البيت لحظة واذا قعد بكون مشغول ..احس اني افرطت بدلاله والان لما زوجي فضي نوعا ما وراق صار يتدخل بتربيته.... في البداية صرت قول له اي ولا وهالكلام ما بصير لكن مع الوقت اكتشفت ان فعلا في تربايتي له في كتير شغلات غلط وما عم تتغير غير لما بتبع اسلوب والده

فانتي اجلسي معه متل ما قالوا الاولاد وافهمي فكرته ووضحي له فكرتك وحاولوا تتوصلوا للاسلوب الامثل واذا الشغلة صارت وكانت بسيطة معلش مشي له رايه ...في رجال بحبو يحسوا ان كلمتهم هي الماشية

والله يوفقك ويعينك على زوجك وبنتك ويلهمكم تربيتها التربية الصالحة

اختي ست الحسن صدقيني انك في بالي دائما الله يشفي لك ابنك ويعينك وييسر لك امرك ويرجع على بلادك مجبورة الخاطر امين يارب

اختي الله ييسر لك امرك ويوفقك مع زوجك ويخفط لك بنتك

يا اختي بالنسبة لتدخله بالبيت الاخوات ما قصروا وقالوا لك الكثير

اما بالنسبة للتربية فانا عندي سؤال يمكن تستغربي منه وهو شو عرفك ان تربايتك هي الصح؟؟؟ ليش ما يكون رايه هو الصح ؟؟



انا كمان مع راي فتاه سوريه