فضفضة اشعر بالحرج من اهلي

السلام عليكم
حبيباتي ضايق صدري كثير
احس نفسي عالة على اهلي وسبب مشاكل لهم بسبة طلاقي وابني
من تطلقت وهم شايلين همي ابوي واخواني
ابوي واخوي الكبير شالوني انا وابني ومصاريفه
تعبو بمشاكلي معاه ومع اهله وتعبت ابوي بتربية ابني
اي مشكلة تواجهني ما اعتمد على نفسي اروح عند ابوي واخواني وهم ماقصرو ابني يبدوه على عيالهم
احس صرت حمل ثقيل عليهم
طليقي مايخاف الله ومايفك شره عني الا اذا اخذ الله روحه
المختصر انه اخوي ضرب طليقي امس وضربه كان قوي والان اخوي بالسجن
سبب المشكلة نفس اول طليقي يحاربني بالولد من يوم ماتزوجت كرهني زواجي يضغط علي بنقطة ضعفي وكل ماصارت مشكلة اروح عند ابوي
كسبت حضانته بسبب زوجي عطى موافقة ووقع عليها انه مستعد يحضن الطفل
قضية الحضانة كانت معقدة كثير
امي ميتة واخواتي متزوجات
امه قرر الشيخ انها مو كفؤ للحضانة بسبب تسجيل صوتي كان معي وسمعه الشيخ امه تهددني انها تحرمني الولد
والشيخ جاب الولد اخر لحظة خيره واختارني
قلت الحمدلله ارتحت لكن كان ظني خايب
طليقي ثار جنونه وياخذه عن طريق مركز لم الشمل زيارات ويماطل
رجع رفع دعوى اسقاط حضانة علي واشتكاني بالنيابة والأمارة بتهمة تقارير كاذبة لاني رفعت شكوى عليه وعلى حرمته بسبب تعرض الطفل للعنف والتنمر وقت الزيارة
واخذت الولد للمركز وقعد مع اخصائيين بروحهم وسحب منه الكلام وكذبو طليقي وسقطت الشكوى وبلغوني اشتكي عليه بالنيابة وبينسجن لكن رفضت مو خوف بس تعبت من المشاكل
رجع اشتكى انه الولد تحت التهديد اختارني
بعد كل هذي المشاكل تواجه مع اخوي ومدري عن لي صار بينهم وراح أخوي ضربه الله يهديه
زاد المشكلة تعقيد بالضرب واخوي مسجون بسببي
مو اول مرة ينضرب
ثالث مرة هذي من قبلها ولد عمي ضربه بدوامه لانه رفض يطلقني ولا يرجعني
وبعدين اخوي والحين مرة ثانية وكله بسببي
كل حياتي مشاكل صارت بسببه
تعبت من حياتي كلها كرهت نفسي انا حامل وصرت اخاف اتطلق مرة ثانية وارجع احارب على جهتين